Mir esımdı sottaluşy özınıŋ Tergeu izoliatoryndaǧy jūmysy turaly aitty.
Tanys emes adamǧa syrty tıkenek symmen qorşalǧan «türmeden» qorqynyşty oryn joq siiaqty. Bız türme dep aityp jürgen būl oryndy olai atamasa da bolady. Sebebı jasaǧan qylmystaryna qarai qauıpsız bolu üşın koloniialar men sottalǧandardy ūstau tärtıbı ärtürlı. Tırşılıktıŋ tüzu jolynan auytqyp bas bostandyǧynan aiyrylǧan adamdardy qaitadan qalypty ömırge qaitarudyŋ bırden bır täsılı – tärbie jūmysy. Būl oraida sottalǧandarmen türlı baǧytta jūmystar jürgızıledı. Bır sözben aitqanda öz taǧdyryn öz qolyna alyp, adam bolamyn degen adamǧa mümkındık mol. Mysaly bızdıŋ bügıngı äŋgımemızge arqau bolyp otyrǧan Mir esımdı azamat Almaty qalasyndaǧy LA-155/18 tüzeu mekemesınde jazasyn ötep jatyr. Atalǧan tüzeu mekemesı tergeu izoliatory bolǧandyqtan tūtqyndar sottyŋ ükımın kameralarda jatyp kütedı. Mir da sondai jandardyŋ bırı. Tek sottyŋ şeşımımen şyqqan jazasyn tergeu izoliatorynda kıtaphanaşy bolyp ötkerude. Bügınde ol kameradaǧy tūtqyndardyŋ asyǧa kütetın adamy.
Mirdıŋ özı asa kölemde alaiaqtyq jasaǧany üşın sottalǧan. Ol jäbırlenuşıge Almaty qalasynda naryqtaǧy baǧadan tömen päter alyp beremın dep ūsynys jasaǧan. Sodan soŋ satyp aluşylarǧa özı jalǧa alǧan päterdı körsetıp, olardan aldyn ala kepıl aqşa alǧan.
– Menıŋ jūmysym bekıtılgen kestege sai är beketke kıtap tasudan bastalady. Bügın mysaly keste boiynşa №8 jäne №9-şy beketterdegı tūtqyndarǧa kıtap aparamyn, bıraq kesteden tys №18-şı beketke de baramyn. Sebebı onda menıŋ tūraqty oqyrmanym beket kezekşısı arqyly jaŋa kıtapqa tapsyrys berıp jıberıptı. Iаǧni Master i Margaritany oqyp bıtken boluy kerek. Keide oqyrmandar sūraǧan kıtaptyŋ bır ǧana danasy bolady da, olardyŋ kezek kütuıne tura keledı. Men tapsyrys beruşıge sol kıtapty äkelgende jaudyrǧan alǧystaryn körseŋız, tura solarǧa syiaqy äkelgendei sezınemın – deidı Mir.
Kıtapty oqu üşın emes, kerısınşe kıtap betterın jyrtyp alyp, temekı oraityn «oqyrmandar» da bolady eken.
– Ärine, ondai jüreksız adamdarǧa ūrsamyn, ekınşı ret ol kameraǧa kıtap aparmaimyn. Maǧan özımnıŋ osy jūmysym ūnaidy. Özım de sottyŋ ükımı şyqqanşa bır jyldan asa kamerada otyrǧanda, 100-den asa kıtap oqydym. Ai saiyn 50 000 teŋge eŋbekaqy alamyn – deidı tüzeu mekemesınıŋ kıtaphanaşysy.
Kameralarǧa kıtap taratu barysynda ekı aidyŋ ışınde 15 kıtap oqyǧan tūtqynmen äŋgımelesudıŋ sätı tüstı. Osy joly da oǧan Mir jaŋa kıtaptar äkelıptı.
Tergeu izoliatorynda internetke qosylǧan smartfon joq. Sondyqtan tūtqynyndaǧylar mūnda uaqytşa jatqanymen eskı kezdı eske tüsırıp, nebır avtorlardyŋ şyǧarmalaryn kıtaptan oqidy.Bügıngı taŋda kıtaphana qory 5000 kıtaptan asady.
Qazır Almaty qalasyndaǧy LA-155/18 tergeu izoliatorynda 1300-den astam adam bar, onyŋ 8 paiyzy äielder. Jyl basynan berı Tergeu izoliatorynan 1500-den astam adam bosatyldy.Statistika körsetıp otyrǧandai, tergeu izoliatorynda jatqandardyŋ 22 paiyzy ūrlyq jasaǧandar, 13 paiyzy alaiaqtyq, 6 paiyzy esırtkı zattaryna qatysty qylmys jasaǧandar. Qalǧandary basqa da ärtürlı baptar boiynşa tūtqynǧa alynǧandar.
Almaty qalasy boiynşa QAJD
