Almatyda Kökşoqy şaǧyn audanynda qolönermen ainalysatyn tūrǧyndar köpqabatty üide kömır jaǧyp, sudy özennen tasuǧa mäjbür. Olardyŋ päterı ortalyqtandyrylǧan kärız jüiesıne jäne elektrmen jabdyqtauǧa qosylmaǧan. Būl turaly "Adyrna" tılşısı Almaty.tv arnasyna sılteme jasap habarlaidy.
Būryn "Şeberler auyly" dep atalǧan jerge Qazaqstannyŋ är tükpırınen qolöner şeberlerı jinalǧan. Olardyŋ arasynda "Qazaqfilmge" derekteme äzırlegen Marat Bozymbaev ta bar.
"Ekı jyl būryn gaz qūbyryn jürgızdı, bıraq üige sol küiı qosylǧan joq. Mıne 30 jyldan berı balalarymyz, äielderımız üidı kömırmen jylytuǧa mäjbür. Özımızge tamaq ta pısıre almaimyz. Orta ǧasyrda ömır sürıp jatyrmyz. Auylda eşqandai jaǧdai joq. Äkımdıkten problemamyzdy şeşudı sūraimyz", - dedı tūrǧyn Marat Bozymbaev.Kökşoqydaǧy jalǧyz su közı - kolonka. Tūrǧyndar ūzyn-sonar kezekke tūryp su tasidy. Sudyŋ sapasy da naşar. Alty jyl būryn auyldy qalanyŋ Bostandyq audanyna qosqan. Alaida tūrǧyndar sodan berı şeneunıkter kabinetınıŋ tabaldyryǧyn tozdyrdy, nätije joq. Al jergılıktı bilık jolǧa asfalt tösep, jaryq ötkızudı kelesı jylǧa josparlap otyr. Kökşoqy tūrǧyndaryna tek kütu kerek. https://youtu.be/SP8dgXUaG3k
"Adyrna" ūlttyq portaly
