Ötken aptada BI Group kompaniiasy Şymkentte qalanyŋ soltüstık bölıgınde 500 myŋ şarşy metr aumaqta zamanaui äkımşılık-tūrǧyn üi oramnyŋ qūrylys jobasyn ūsyndy.
Bäidıbek bi daŋǧylyndaǧy ippodrom ornynda paida bolatyn bolaşaq keşen tūjyrymdamasynyŋ tanystyrylymyna QR Premer-Ministrınıŋ orynbasary Roman Skliar, Şymkent qalasynyŋ äkımı Mūrat Äitenov, kompaniia basşysy Aidyn Rahymbev qatysty.
Şymkent qalasy äkımınıŋ orynbasary Bauyrjan Mamytaliev osy jobany ıske asyrǧan jaǧdaida qalanyŋ damu mümkındıkterı turaly jan-jaqty tüsındırıp berdı.
– Būl öte ülken joba. Joba ıske asyrylǧan jaǧdaida, ondaǧy investisiia kölemı 135 milliard teŋge, salyqtyq jeŋıldıkter şamamen 15 milliard teŋgenı qūraidy. Qūrylysqa jalpy 6000-ǧa juyq adam tartylady. Al qūrylys aiaqtalǧannan keiın äleumettık jäne kommersiialyq nysandarda şamamen 2500 tūraqty jūmys orny aşylady. Mektepter, balabaqşalar, bılım beru ortalyqtary jäne taǧy basqa nysandardy salu közdelıp otyr, – dedı B.Mamytaliev.
Qala äkımdıgınıŋ baspasöz qyzmetı habarlaǧandai, BI Group äzırge tek öz tūjyrymdamasyn ūsyndy. Barlyǧy egjei-tegjeilı pysyqtalǧannan keiın, Şymkentte qoǧamdyq tyŋdaular ötkızıledı.
– Egjei-tegjeilı josparǧa qala äkımı qoǧamdyq tyŋdaulardyŋ oŋ nätijelerınen keiın, iaǧni jobany köpşılık qoldasa ǧana qol qoiady. Eger azamattardyŋ köpşılıgı jobany qabyldamasa, bız ony jüzege asyrmaimyz. Bıraq būl jobalar megapolistıŋ ūzaq merzımdı damuy aiasynda qolǧa alynatynyn tereŋınen tüsınu qajet.
Jalpy būl oramnyŋ kalany odan ärı damytuda zor äleuetı bar. Būl oram Nauryz alaŋyn Shymkent City qalaşyǧymen bailanystyrady jäne būl aumaq odan ärı tartymdy bola tüsedı.
İppodromdy köşıru 2018 jyly, Şymkenttıŋ bas jospary özektendırılıp, qalaǧa respublikalyq märtebe berılgen kezde josparlanǧan edı. Sol kezde jaŋa ippodromnyŋ qūrylysyna şamamen ekı milliard teŋge qajet boldy. Eger jaŋa äkımşılık-tūrǧyn üi keşenınıŋ jobasy maqūldansa, ippodromdy BI Group öz qarajatyna salyp beredı, – dedı qala äkımınıŋ orynbasary.
Jalpy būrynǧy ippodromnyŋ jerı BI Group-qa tegın berılmeidı. Jer Şymkent äleumettık-käsıpkerlık korporasiiasynyŋ ülesıne berıledı. Jäne ÄKK ony investisiialyq joba retınde jüzege asyrady.
Sondai-aq, BI Group tūjyrymdamasynda oram aumaǧynda erekşe balalarǧa arnalǧan «Jūldyz-ai» oŋaltu ortalyǧyn salu qarastyrylyp otyr. Mūndai ortalyqtar äzırge Nūr-Sūltan men Almaty qalasynda ǧana bar.
Bauyrjan Jaimūrzynūlynyŋ aituynşa, osy uaqytqa deiın bırde-bır jeke kompaniia Şymkentke 135 milliard teŋge investisiia salmaǧan.
Qala äkımdıgı qūrylys jūmystary dendrosaiabaq aumaǧyna jaqyndamaitynyn da mälımdegen edı. Öitkenı, ol erekşe qorǧalatyn aimaq. Bıraq TMD-nyŋ mädeni astanasy jyly aiasynda salynǧan uaqytşa qūrylym etnoauyl būzylady.
Şymkent qalasynyŋ Aqparattyq-kommunikasiialyq ortalyǧy
