Eki kún ishinde qos birdeı prezıdenttiń keńesshisi bolǵan Sýma Chakrabartı kim?

1880

Keshe brıtanııalyq ekonomıst-ıýrıst Sýma Chakrabartı el prezıdenti Qasym-Jomart Toqaevtyń ekonomıkalyq damý máseleleri boıynsha shtattan tys keńesshisi laýazymyn ıelenip, jurt qyzý talqyǵa salǵan bolatyn. Búgin dál sol Sýma Chakrabartı Ózbekstan Respýblıkasynyń  prezıdenti Shavkat Mırzııaevtiń de keńesshisi bolyp taǵaıyndaldy. Qos birdeı prezıdenttiń keńesshisi laýazymyna ıe bolǵan Sýma Chakrabartı kim?

 Ol 1959 jyly Úndistannyń Djalpaıgýrı qalasynda týǵan. 1964 jyly otbasymen Ulybrıtanııaǵa kóship barǵan. Oksfordtyń túlegi: fılosofııa, saıasattaný, ekonomıka salalary boıynsha mamandanǵan. Ulybrıtanııanyń azamaty.

Chakrabartı 1984 jyly Ulybrıtanııanyń Syrtqy damý basqarmasynda (ODA) aǵa ekonomıkalyq kómekshi bolyp qyzmet etedi.

1980 jyldary Ulybrıtanııa úkimeti ony Halyqaralyq Valıýta Qory men Dúnıejúzilik bankke qyzmet etýge jiberedi.

1996 jyly ol Ulybrıtanııanyń Qarjy mınıstrliginiń rólin atqaratyn Uly Mártebeli Qazynashylyqqa (Her Majesty's Treasury)  aýysyp, sodan keıin premer-mınıstr Tonı Blerdi qoldaý úshin tıimdilik pen ınnovaııa boıynsha jańa  ortalyq bólimshe qurýǵa jaýapty bolady.

2001 jyly Chakrabartı aımaqtyq damý baǵdarlamalary boıynsha halyqaralyq departamenttiń bas dırektory bop saılandy. Onyń qaramaǵynda Afrıka, Azııa, Shyǵys Eýropa, Karıb teńizi jáne Latyn Amerıkasynan 1200 qyzmetker bolady. Sondaı-aq ol 2009 jyly 8 jeltoqsanda 2003 jyly bolǵan Ulybrıtanııanyń Irakqa shabýylyn talqylap, «Irak tergeýinde» kýálik beredi.

2002-2007 jyldary halyqaralyq damý mınıstrliginde turaqty hatshy boldy, sodan keıin osy laýazymyn 2012 jylǵa deıin Ádilet mınıstrliginde jalǵastyrady. Ol osy kezeńdegi óziniń basty jetistiginiń biri Mınıstrliktiń jumys isteýiniń jańa modelin ázirleý jáne engizý dep esepteıdi. Osynyń arqasynda mıllıard fýnt sterlıngten astam qarajat únemdeı alǵan.

2012 jyly Chakrabartı Eýropalyq Qaıta Qurý jáne damý bankiniń (EQDB) prezıdenti bolyp saılanyp, bul qyzmetin 2020 jyldyń 2 shildesine deıin jalǵastyrady. Ol EQDB bankinde qyzmet ete otyryp, úlken reformalar jasaı aldym dep málimdegen.

Chakrabartıdiń Qazaqstanmen baılanysy jaıly 2013 jyly «Pavlodarenergo» AQ-na (80 mıllıon dollar somasynda), «Sevkazenergo» AQ-na (40 mıllıon), «Pavlodar AEK» AQ-na jáne «Soltústik Qazaqstan AEK» AQ-na (9 mıllıon dollardan) EQQDB-niń nesıe qarajatyn bólý týraly kelisimge qol qoıǵany týraly aqparat bar. Budan bólek, 2016 jyldyń mamyr aıynda Charkabartı Shyǵys Qazaqstan oblysyn sýmen qamtý úshin jalpy somasy 4,4 mıllıard teńgege jobany qoldaý týraly shartqa qol qoıǵan.

Chakrabartı osy jyldyń 2 naýryzynda premer-mınıstr Asqar Mamınmen kezdesip, Úlken Almaty aınalma avtomobıl jolyn salý  memlekettik-jeke áriptestik salasyndaǵy iri jobany iske asyrý máselelerin talqylaǵan. Premer-mınıstrdiń aıtýynsha, ótken 27 jyl ishinde EQQDB-niń Qazaqstannyń qarjy, ınfraqurylym, energetıka, aýyl sharýashylyǵy salalaryna, IT-tehnologııalar men kommýnaldyq qyzmetter sektorlaryna, sondaı-aq shaǵyn jáne orta bıznesti qoldaý boıynsha salǵan ınvestıııalarynyń kólemi 271 joba úshin $9 mlrdtan asqan.

Foto ashyq derekkózden alyndy 

Aıjan PERDEBEKQYZY

«Adyrna» ulttyq portaly

Pikirler
Redakııa tańdaýy