Deputat halyqtyŋ nesiesın keşıru turaly bastama köterdı

Deputat Aiqyn Qoŋyrov qazaqstandyqtardyŋ nesiesın keşıru turaly bastama köterdı. Sözınşe, ükımet salyq uaqytyly tölep kelgen jeke jäne zaŋdy tūlǧalar üşın keŋ kölemdı nesielık amnistiia jariialau qajet, dep habarlaidy Stan.kz aqparat agenttıgı. "Şaǧyn jäne orta käsıpkerlık öndırısınıŋ kölemı karantin uaqytynda kürt tömendedı: qoǧamdyq tamaqtanu 53%-ǧa, bölşek saudasy 45%-ǧa, transport 37%-ǧa deiın kemıdı. Būl mekemelerdıŋ bankrotqa ūşyrauyna nemese jabyluyna, bankter men käsıpkerler arasyndaǧy janjalǧa alyp keluı mümkın. Elımızdegı karantin kezınde 4 mln 200 adam jūmyssyz qaldy. Jūmyssyzdyq deŋgeiı 46%-ǧa artty. Būl bızdıŋ tarihymyzda bırınşı ret oryn alyp otyr. Qazırgı daǧdarys eldıŋ tek epidemiialogiialyq jaǧdaiyna ǧana emes, eŋbek naryǧyna da qatysty. Sondyqtan jedel türde şara qoldanuymyz qajet", - dedı deputat. Būǧan qosa ol osy jyly halyqtyŋ qarjy ūiymdaryna qaryzy artyp ketkenın alǧa tartty. "Būǧan deiın tūrǧyndar nesienı tūrmystyq tehnika, qymbat kiım, otbasylyq merekelık ıs-şaralar üşın alsa, karantin kezınde olar osy qaryzdaryn jabu üşın taǧy da nesie aluǧa mäjbür boldy", - dep qosty Qoŋyrov. Aituynşa, memleket kvazimekemeler men bankterge ǧana qoldau bıldırude. Deputat qazırgı taŋda azamattar men şaǧyn jäne orta käsıp ökılderıne kömek qajet ekenın aitady. "Sol üşın Qazaqstanda karantinge deiın eŋbek etıp, barlyq salyqty öz uaqytynda tölep jürgen jeke jäne zaŋdy tūlǧalar üşın keŋ kölemdı nesielık amnistiia jariialauymyz qajet. Qazır kei azamattar bankterdıŋ qysymyna tötep bere almai, qaltalaryŋda kök tiynsyz qalyp qoiuy da ǧajap emes. Al būǧan aqşany äkımşılık-şaruaşylyqqa audarylmai qalǧan qarajat pen salyq jüiesındegı ıs-äreketter oryndau arqyly tabuǧa bolady", - deidı deputat.