Memleket basşysy Qasym-Jomart Toqaev tötenşe jaǧdailar ministrı Iýrii İlindı qabyldady, - dep habarlaidy "Adyrna" tılşısı Aqordaǧa sılteme jasap.
Prezidentke qaita qūrylǧan ministrlıktıŋ qūrylymy, basqa memlekettık organdardan önerkäsıp qauıpsızdıgı salasyndaǧy keibır funksiialardy, memlekettık materialdyq qordy beru üderısı, sondai-aq, Işkı ıster ministrlıgınıŋ qūramyna kırgen äskeri bölımşelerdı auystyru jūmystary turaly baiandaldy.
Iýrii İlin Prezident Qasym-Jomart Toqaevqa biylǧy Qazaqstan Respublikasyndaǧy tötenşe jaǧdailardyŋ aldyn alu jäne joiu memlekettık qyzmetınıŋ 25 jyldyǧy qarsaŋynda, atalǧan qūrylymdy qaita qalpyna keltırgenı üşın mekeme qyzmetkerlerınıŋ atynan alǧys bıldırdı.
Memleket basşysyna osy jyldyŋ 8 aiyndaǧy tötenşe jaǧdailardyŋ, tabiǧi jäne tehnogendık apattardyŋ, sondai-aq, osyndai jaǧdailarda qaza bolǧandar sanynyŋ azaiǧany turaly da aqparat berıldı.
Kezdesu qorytyndysy boiynşa Memleket basşysy Qasym-Jomart Toqaev jylytu mausymymen jäne qysqa daiyndyq jūmystaryn jürgızu, türlı tötenşe jaǧdailardy azaitu, qar būrqasyndaryna äzırlık, sondai-aq, köktemgı tasqyndar men eldı mekenderdı su basu qaupınıŋ aldyn alu mäselelerı boiynşa bırqatar naqty tapsyrma berdı.
"Adyrna" ūlttyq portaly
