«Kei änşılerdı taiaqpen "tärbieleu" kerek», deidı Baǧlan Äbdıraiymov

Künı keşe mädeniet jäne sport ministrı Aqtoty Raiymqūlova änşılerdıŋ "tärtıbıne qatysty" zaŋnamaǧa özgerıs pen tolyqtyrular engızudı ūsyndy. Būl özgerıster boiynşa konsertter men tüsırılımderge kelmese, keşıkse jäne ädepsız qylyq tanytyp kiınse, repertuaryna anaiy sözder qossa, äkımşılık jazaǧa tartylatyn bolady dep habarlaidy "Adyrna" ūlttyq portaly Stan.kz saityna sılteme jasap. Būǧan änşılerdıŋ qalai qaraidy?   Kelısılgen konsertterge änşılerdıŋ keşıgıp keluınde özındık sebepterı bolady degen Seifullin Jolbarys ūiymdastyruşylardan da qatelık ketetının aitady. Al özı aitqan uaqyttan keşıkpeuge barynşa tyrysamyn deidı. "Jalǧyz änşıler emes, ömırde kım bolsa da jazalanady. Al kelısılgen konsertterge baǧdarlamaǧa keşıgıp kelu nemese müldem bara almai qalu degen änşıler arasynda bolyp qalatyn jaǧdai. Keide auyryp qalady. Aqyly konsertterge kele almai qalǧan jaǧdaida aiyppūl salynsa, töleuge daiynmyn. Bıraq taiaqtyŋ ekı ūşy bar. Keibır ūiymdastyruşylar konsertke segızde kel dep aitady, uaqytynda barasyŋ, on-on bırge deiın sandaltyp qoiady. Ol endı ūiymdastyruşylar tarapynan ketetın qatelık. Keide änşı barǧysy kelmegen soŋ emes, türlı syrtqy faktorlar äser etedı. Auyryp qaluy, ūşaǧy keşıgıp, ekınşı qalaǧa jete almai qaluy mümkın. Oǧan aua raiy da kedergı boluy mümkın. Osyndai olqylyqtarǧa bailanysty ūsynylyp jatqan zaŋ şyǧar. Būl taŋǧalatyn zaŋ emes. Ol būrynan bar närse", - deidı änşı Seifullin Jolbarys. Änşınıŋ sözınşe, konsertterge bailanysty zaŋdy qataŋdatyp jatqanymen, otandyq önerpazdar köp konsert bermeidı de. "Kım konsertke şyǧyp jatyr, barlyǧy toida jüredı. Qazır ol toi da joq. Al toidaǧy mäselelerge aralasa almaidy dep oilaimyn. Öitkenı, toi iesı men änşı arasynda jüretın kelısım. Kelısılgen aqşasy tölengen konsertterde mäsele şyqsa aiyppūl töleuı kerek. Özım keşıkpei, däl uaqytymen baramyn dep aita almaimyn. Degenmen, keşıkpeuge tyrysamyn", - deidı ol. Änşı Seifullin Jolbarys eger kelısım bolǧan jerde özınen ketken qatelık bolsa, aiyppūl töleuge daiyn ekenın jetkızdı. "Jıgıtter" tobynyŋ änşısı Baǧlan Äbdıraiymov te "Uädege berık bolyp, aitqan sözınde tūru - adamnyŋ tıkelei özıne bailanysty. Būl ūsynys özgelerge sabaq bolatyna senımdımın", - dep mädeniet ministrınıŋ ūsynysyna qoldau bıldırdı. Onyŋ sözıne sensek, mūndai qatal talaptar keibır "jūldyz auruyna" şaldyqqan änşılerge tūsau bolady eken. Oiynşa, būl öskeleŋ ūrpaqtyŋ sanasyna jauapkerşılık qaǧidattaryn sıŋırıp ösuge ülesın qosady. "Jūldyz auruy" , "Men barmasam, tüsırılım bolmaidy" degen sezımde jüretın änışıler bar. Bır-ekı änderı hit bolyp qalsa, onsyz tüsırılım ötpeitındei körınedı. Sondyqtan önerde jürgen ını-bauyrlarǧa jaqsy sabaq bolady. Keleşek balalarymyz sahnaǧa şyǧyp än oryndap jatsa, tärtıp retınde qabyldap, sanasyna sıŋırıp ösedı. Jauapkerşılıkpen qaraityn bolady", - deidı ol. Baǧlan Äbdıraiymov jauapkerşılıgı az öner ielerınıŋ jazasyn būdan da qataŋdatu kerek degen pıkırde. Onyŋ paiymynşa, ädepsız kiınıp, anaiy sözder aitatyn änşılerdı taiaqpen "tärbieleu" kerek. "Al boǧauyz söz aralasqan än aityp, ädepsız kiınetınderge qazırgı ūsynys azdyq etedı. Olardy sabau kerek. Ondai ärekettı özınıŋ atyn şyǧaru üşın jasap jatqan şyǧar. Bıraq jeke basy üşın osylai arzyzdyqqa baryp, teleekrannyŋ ar jaǧynda otyrǧan jastardyŋ psihologiiasyn būzady. Änderınde anaiy sözderdı qoldanyp, ädepsız kiınetınder sanasyz bolǧan soŋ sondai äreketke barady", - dep kesıp aitty änşı. Būl sözıne ärıptesterıŋız renjıp jürmeidı me dep naqtylaǧanymyzda "qazır adamdar qoryqqannan syilaidy" dep qaitardy. Esterıŋızge sala ketsek, künı keşe mäjılıs töraǧasy Nūrlan Nyǧmatulin: "Konsertınde fonogramma qoldanatyn bolsa, bilet alyp otyrǧan halyqty aldamai qūlaqqaǧys etıp jazsyn. Halyq sodan keiın ol konsertke bara ma, barmai ma özı şeşedı. Eger fonogrammamen aitatyn bolsa, halyq ta aqşasyn köşırmeden ötkızıp tölesın" dep äzıl-şyny aralas aitqan bolatyn. Būl sözge änşı Meruert Tüsıpbaevanyŋ aitar uäjı bar. "Künı keşe halyq ärtısı Maqpal Jünısova apai ekeumız osy zaŋnamaǧa qatysty, jalpy mäjılıs spikerınıŋ sözıne bailanysty mäselenı talqyladyq. Maqpal apai änşınıŋ öz dauysyn körsetıp, tırı dauysta aituy üşın jaǧdai jasalmaǧanyn aityp küiınedı. Tolyqtai kelısemın. Nyǧmatulin myrza, öz ısınıŋ has şeberı, onyŋ jasap jatqan ısterıne qūrmetım joǧary. Bıraq menıŋ memlekettık basqarudan, zaŋnama jasaudan habarym joq siiaqty, Nyǧmatulinnıŋ de änşılıkten habary joq. Ol kısı mäselenıŋ betın ǧana körıp, kelte pışıp tūr. Tolyqqandy zerttep, tereŋıne üŋılmegen adamǧa olai aitu oŋai. Mäselenıŋ tüp-törkını qaida jatyr? Änşıler ne üşın fonogrammamen aityp kettı? Mıne osy sūraqtarǧa jauap bergen kezde ǧana äŋgımenıŋ qaida jatqanyn aŋǧaruǧa bolady", - deidı Tüsıpbaeva. Qaida jürse jūrt nazarynda jüretın änşılerdıŋ de mäselesı köp ekenın aitqan Meruert Tüsıpbaeva olardyŋ bırqataryn atap öttı. "Respublika saraiynda "tırı dauysta" än aituǧa jaǧdai joq. Tıptı, minuspen aitqan künnıŋ özınde ol jerdegı appartura säikes kelmeidı. Änşınıŋ dauys erekşelıkterın körsetu üşın tehnika kerek. Ärtısterge memleket jaǧdai jasasyn. Toiǧa şyǧady dep aitady. Änşıler toiǧa şyqpasa, aştan öletın edı. Öitkenı memleket ärtısterge jaǧdai jasap otyrǧan joq. Jaǧdaiyn jasap, sonda da fonogrammamen aituyn qoimasa, ondai änşılerdı sahnadan qusyn. Men oǧan daiynmyn", - degen ol zaŋ şyǧarmas būryn sol mäselege tereŋ üŋılıp qarau keregın aitady. Al mädenietke jauapty tūtas salanyŋ basşylyǧy men mäjılıs spikerı ūsynǧan zaŋ qabyldana ma, qabyldanbai ma - būl uaqyt enşısındegı mäsele. Bır belgılısı, bızdıŋ önerpazdar ony quana qarsy ala qoimady.