Bügın Şymkent qalasynyŋ äkımı Mūrat Äitenov qaladaǧy jol-kölık infraqūrylymyn damytu baǧytynda atqarylyp jatqan jūmystardyŋ barysymen tanysty.
Şahar basşysy, aldymen, A-2 ainalma jolyndaǧy Badam özenınıŋ üstınen ötetın köpırdı qaita qūru jūmystarymen tanysty. Būl jūmys 2018 jyldyŋ qazan aiynda bastalǧan. Jobanyŋ jalpy qūny 1 milliard 916.3 million teŋge. Sonyŋ 1 milliard 167 milliony biylǧy jyly bölıngen.
Köpır qaraşa aiynda paidalanuǧa berıledı. Keŋeiıp, jaŋarǧan köpırdıŋ ūzyndyǧy — 144 metr, enı — 28,2 metrdı qūraityn bolady.
—Şymkenttegı magistraldy joldar täulıgıne 20 - 35 myŋ avtokölık ötkıze alady. Al, bügınde naqty körsetkış 50-70 myŋ avtokölık nemese ekı ese köp. Sondyqtan bız jol-kölık infraqūrylymyn damytuǧa erekşe köŋıl bölıp otyrmyz. Qazır Şymkentte 24 magistraldy köşede orta jöndeu jūmystary jürıp jatyr. Badam özenınıŋ üstınen ötetın myna köpır de maŋyzdy nysandardyŋ bırı. Tiıstı basqarma men basqa da jauapty organdar jūmystyŋ sapaly jürgızıluın jäne belgılengen merzımde aiaqtaluyn qadaǧalauy tiıs, — dedı Mūrat Düisenbekūly.
Mūnan keiın qala äkımı Iý.Gagarin, A.Asqarov köşelerınıŋ orta jöndeu jūmystarymen tanysty.
Iý.Gagarin köşesınıŋ Abai daŋǧylynan Ermat ata köşesıne deiıngı 4.7 şaqyrymdyq bölıgın orta jöndeuden ötkızuge biudjetten 335 million teŋge bölıngen. Al, A.Asqarov köşesınıŋ Respublika daŋǧylynan Abai daŋǧylyna deiıngı bölıgıne 303 millionnan astam qarjy qaralǧan.
Şymkent qalasy äkımınıŋ baspasöz qyzmetı
