Bızdegı eŋ kedei halyq qai aimaqta tūrady?

Osy jyldyŋ ekınşı toqsanynda tabysy tömengı künkörıs deŋgeiınen az tūrǧyndar sany 5,7% deiın östı (bır jyl būryn 4,3%). Būl –  2011 jyldan bergı eŋ naşar körsetkış, dep habarlady finprom.kz. Atalǧan jaǧdai eldegı ekonomikalyq belsendılıktıŋ tömendeuı, sondai-aq «koronavirustyq daǧdarystyŋ» saldarynan bolǧan dep habarlaidy «Adyrna» ūlttyq portaly 24.kz. agenttıgıne sılteme jasap.   Eske salaiyq, 2020 jyldyŋ ekınşı toqsanynda Qazaqstanda jan basyna şaqqandaǧy eŋ tömengı künkörıs deŋgeiı 32,6 myŋ teŋgenı qūrady. Jalpy, tabysy tömengı künkörıs deŋgeiınen az tūrǧyndar sany 1,1 mln adamdy qūrady. Qala men auyldyq jerlerde körsetkışter boiynşa aitarlyqtai aiyrmaşylyq bar. Mäselen, kırısı künkörıs deŋgeiınen az qazaqstandyqtardyŋ 7,8%-ı auyldyq jerlerde, 4,2%-ı qalalarda tūrady. Atalǧan körsetkış elımızdıŋ barlyq aimaǧynda baiqalady. Osy jyldyŋ ekınşı toqsanynda kedeilıktıŋ eŋ joǧary deŋgeiı Türkıstan oblysynda (12,8%), Soltüstık Qazaqstanda (7,4%), Jambyl oblysynda (6,9%), Qyzylorda oblysynda (6,9%) jäne Aqmola oblysynda (6,7%) tırkeldı. Jalpy alǧanda, osy bes aimaqta kırısı künkörıs deŋgeiınen tömen tūrǧyndar sany 481,8 myŋ adamdy qūrady. Kedeilıktıŋ eŋ az deŋgeiı elordada (1,4%), sondai-aq Qaraǧandy ​(2,4%) jäne Atyrau oblystarynda (3,1%) tırkeldı.