Ǧasyrmen ündesken «Egemen Qazaqstan» basylymy Aqparat jäne qoǧamdyq damu ministrlıgınıŋ qoldauymen älemdegı maŋyzdy da özektı taqyryptar jönınde bıregei kontent äzırleitın Project Syndicate jobasy maqalalaryn jariialaudyŋ ekskliuzivtı qūqyǧyn ielendı, dep habarlaidy QazAqparat.
«Project Syndicate avtorlarynyŋ qatarynda älemdık deŋgeidegı saiasatkerler, ǧalymdar, zertteuşıler, biznesmender, 45 Nobel syilyǧynyŋ laureaty, 111 memleket basşysy bar. Joba materialdary älemnıŋ 150 elındegı 500-den astam būqaralyq aqparat qūraldarynda jariialanady.
Project Syndicate-te jaryq körgen kolumnister men sarapşylardyŋ eŋ taŋdauly maqalalary men pıkırlerın, saraptamalary men şolularyn qalyŋ oqyrmanǧa qazaq tılınde ūsynatyn bolamyz. Būl qadam elımızdegı media keŋıstıktıŋ aiasyn keŋeitıp, jūrtşylyqtyŋ sapaly aqparat közderıne degen qoljetımdılıgın arttyra tüsetını sözsız. Gazettıŋ bügın qoldaryŋyzǧa tigen sanyndaǧy arnauly bette maqalalardyŋ alǧaşqy legı jariialanyp otyr, dep jazady basylym.
Ūlybritaniianyŋ 1997-2007 jyldardaǧy premer-ministrı Toni Blerdıŋ Afrikadaǧy auyl şaruaşylyǧyna arnalǧan maqalasynda älemdegı azyq-tülık tapşylyǧyn boldyrmas üşın «qara qūrlyqtaǧy» osy salany damytudyŋ maŋyzy turaly aitylady. Atalǧan maqala Memleket basşysy Qasym-Jomart Toqaevtyŋ biylǧy Joldauynda aitylǧan auyl şaruaşylyǧyn damytu mäselesımen ündesedı. Al koronaviruspen küres jönındegı jariialanymda älemdı dür sılkıntken ındetpen tiımdı küres täsılderı söz bolady», - dep jazady basylym.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz