«Nur Otan» ortalyq apparaty partııanyń jańadan qabyldanǵan músheleri men «Praımerız» aqparattyq júıesinde tirkeýden ótkenderge taldaý júrgizgen kórinedi. Osylaısha, kezekti tekserý barysynda elordada «Azııa Ortalyq Snab» JShS bastaýysh partııa uıymy qabyldaǵan 2466 jańa partııa múshesiniń eseptik málimetteri rastalmady. 11 qyrkúıekten 4 qazanǵa deıin partııaǵa qabyldaý toqtatylǵanyna qaramastan, 12-17 qyrkúıek aralyǵynda azamattar partııa qataryna qabyldanǵan. Partııalyq baqylaý komıtetiniń tóraǵasy Pavel Kazanevtiń pikirinshe, bul – óreskel tártip buzýshylyq.
Partııaǵa keıbir «qajetti» kandıdattarǵa daýys berýdi uıymdastyrý úshin ózderiniń bir sáttik máselelerin sheshetinder, jaı ǵana qara kóbeıtetinder qajet emes. Sondyqtan daýys berý kezinde burmalaýdy boldyrmaý úshin praımerız kezeńinde partııaǵa qabyldaý toqtatyldy. Osy faktilerdi eskere otyryp, partııanyń astanalyq fılıaly «Azııa Ortalyq Snab» JShS BPU-daǵy barlyq partııa músheleriniń derekterin salystyryp, tekserýi tıis, – dep málimdedi Kazanev.
Baspasóz qyzmetiniń málimetinshe, partııalyq baqylaý komıtetiniń tekserisi barysynda partııa múshelerin bir telefon nómirimen tirkeý derekteri anyqtaldy. Mysaly, Aqmola oblysynyń Býrabaı aýdanynda «Bilim Býrabaı» jáne «Birlik Býrabaı» BPU-da partııanyń 105 múshesiniń bir telefon nómiri bar. Al Qaraǵandy oblysynyń Balqash qalasynda «Ardager», «Gúlder», «Balqash stanııasy» jáne «Shıpager» BPU-da bir telefon nómiriniń ıeleri 279 adam boldy.
Otyrys qorytyndysy boıynsha, aımaqtyq jáne aýmaqtyq partııalyq baqylaý komıssııalaryna barlyq aıqyndalǵan faktini anyqtap, kinálilerdi jazalaý tapsyryldy. Eske sala keteıik, buǵan deıin partııa tóraǵasynyń birinshi orynbasary Baýyrjan Baıbek praımerızde onlaın daýys berýdiń ashyqtyǵyn qamtamasyz etý úshin arnaıy rastaý (verıfıkaııa) júıesi (ınternet-bankıng úlgisi boıynsha jeke tulǵany anyqtaý) qoldanylatynyn aıtqan bolatyn, - delingen habarlamada.
Partııanyń baspasóz qyzmeti barlyq tártip buzýshylyq derekteri boıynsha 8 (800) 080 4441 «jedel jelige» (qońyraý shalý tegin) nemese komek@nurotan.kz elektrondy poshtasyna habarlasýǵa bolatynyn atap ótti.
