Óńirde qus tumaýy sońǵy ret 8 aýyldan anyqtalǵan. Endi ol eldi mekenderde karantın jarııalanyp, qus ónimderin satýǵa tyıym salyndy.
«Qustyń ólimi aldymen 6 aýdanda tirkelse, keıin taǵy 5 aýdanda paıda boldy. Sonymen, qazir bizdegi 11 aýdanda qustyń ólimi tirkelip otyr. Álbette, bul tirkelgen aýdandardaǵy qustyń ólimi men patalogııalyq materıaldary zerthanaǵa jiberildi», - deıdi oblystyq veterınarııa basqarmasy basshysynyń orynbasary Talǵat Júnisov.
Endi qus tumaýyn taratpaý úshin oblysqa 510 myń vakına jetkizilgen. Ekpe egý jumysy 10 kúnde aıaqtalady desedi mamandar. Al aýrý shyqqan aýyldarda vakına salynbaıdy. Olarǵa Nur-Sultan qalasynan arnaıy top baryp, aldymen zalalsyzdandyrý jumystaryn júrgizedi, sodan keıin tiri qalǵan qustardy da túgel órtep jiberedi.
