Auru şyqqan auyldarda vaksina salynbaidy. Olarǧa Nūr-Sūltan qalasynan arnaiy top baryp, aldymen zalalsyzdandyru jūmystaryn jürgızedı, sodan keiın tırı qalǧan qūstardy da tügel örtep jıberedı. Qazır Aqmola oblysynda 1 myŋnan astam qūs qyrylyp qalǧan. Veterinar mamandar jūqpaly aurudy odan ärı taratpau üşın jappai egu jūmysyn jürgızıp jatyr, dep habarlaidy "Adyrna" aqparattyq agenttıgı Skifnews.kz aqparat portalyna sılteme jasap.
Öŋırde qūs tūmauy soŋǧy ret 8 auyldan anyqtalǧan. Endı ol eldı mekenderde karantin jariialanyp, qūs önımderın satuǧa tyiym salyndy.
«Qūstyŋ ölımı aldymen 6 audanda tırkelse, keiın taǧy 5 audanda paida boldy. Sonymen, qazır bızdegı 11 audanda qūstyŋ ölımı tırkelıp otyr. Älbette, būl tırkelgen audandardaǧy qūstyŋ ölımı men patalogiialyq materialdary zerthanaǧa jıberıldı», - deidı oblystyq veterinariia basqarmasy basşysynyŋ orynbasary Talǧat Jünısov.
Endı qūs tūmauyn taratpau üşın oblysqa 510 myŋ vaksina jetkızılgen. Ekpe egu jūmysy 10 künde aiaqtalady desedı mamandar. Al auru şyqqan auyldarda vaksina salynbaidy. Olarǧa Nūr-Sūltan qalasynan arnaiy top baryp, aldymen zalalsyzdandyru jūmystaryn jürgızedı, sodan keiın tırı qalǧan qūstardy da tügel örtep jıberedı.
