Qazaqstandyq "Balalar jaŋa tolqynynyŋ" qatysuşysy Arujan Sabykenova (Arujan Ardaq) Resei şekarasyn kesıp ötu erejelerın būzǧany üşın konkursqa jıberılmedı, dep habarlady onyŋ anasy Güljan Sabykenova özınıŋ Facebook paraqşasynda. Olar Mäskeuge tranzittık reispen kelgen, dep habarlaidy Stan.kz aqparat agenttıgı.
"Dostar, men qyzymmen Mäskeu äuejaiyndamyn. Bız tranzittık reispen ūşyp kelgendıkten bızdı deportasiialamaq. Ökınışke qarai, tıkelei reispen kelgenderge ǧana elge kıruge bolady. Al tıkelei reister aptasyna bır ret ūşady, jäne olardaǧy barlyq reister ädeqaşan satylyp ketken. Bar biletter bır adamǧa bır baǧytqa 1,5 million teŋge", - dep jazdy jas änşınıŋ anasy.
Äiel olardyŋ qolynda şaqyru biletı jäne terıs nätijesılı PTR testılerı bar ekenın aitty.
Güljan Sabykenova saǧat 15.00-de (Mäskeu uaqyty boiynşa) Ystambūl arqyly Qazaqstanǧa qaita oralatynyn aitady.
"Qazaqstan elşılıgınıŋ qyzmetkerlerı bızben bailanysqa şyǧyp, bızge kömektesuge tyrysuda.
Keşeden berı būl mäselenı baiqau ūiymdastyruşylary qolǧa aldy, bıraqonyŋ şeşıluı ekıtalai. Mūnda bärı qatal, al qyzmetkerler zaŋdy būzǧysy kelmeidı. Bız qazaqstandyqtarǧa biletterdı tek tıkelei reisterge ǧana satyp aludy eskertkımız keldı", - dep tüsındırdı qazaqstandyq äiel.
Qazaqstannyŋ Reseidegı elşılıgı 24 qyrküiekte Resei ükımetınıŋ ökımımen Qazaqstan azamattary men Qazaqstanda tūruǧa yqtiiarhaty bar azamattarǧa Reseige şekteusız tek äue punktterı arqyly jäne Qazaqstannan tıkelei reistermen ǧana kıruge rūqsat etıletını turaly aqparat taratty.
Reseige kelgender şekarada reistıŋ ūşuyna deiın 72 saǧat ötpegen koronavirusqa terıs PTR-test turaly anyqtamany ūsynuy kerek. Resei azamattary kelgennen keiın 72 saǧat ışınde PTR testın tapsyra alady, onyŋ nätijelerı memlekettık qyzmet veb-saityna jükteluı kerek.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz