Densaulyq salasynda taǧy da jemqorlyq

Sybailas jemqorlyqqa qarsy qyzmet departamentı därı-därmekterdı saraptau ūlttyq ortalyǧynyŋ direktoryna para aldy degen küdıkke ılındı. Būl turaly «Adyrna» ūlttyq portaly rast.kz saityna sılteme jasap  habarlady. Densaulyq saqtau ministrlıgınıŋ «Därı-därmekterdı saraptau ūlttyq ortalyǧy» RMK-nıŋ bas direktory Erık Baijünısovke qatysty bırneşe märte para alu küdıgıne bailanysty «üiqamaqqa alu» türınde profilaktikalyq şara taŋdalyp, jaŋa tehnologiia – elektrondy baqylau qūraly (bılezık) qoldanyldy, – delıngen resmi saualǧa elordanyŋ sybailas jemqorlyqqa qarsy qyzmetınıŋ bergen jauabynda. Qazırgı taŋda ıstıŋ män-jailaryn anyqtau üşın jan-jaqty, tolyqqandy jäne obektivtı baǧytta tergeu äreketterı jürgızılıp jatyr. Basqa aqparattar tergeu müddesıne orai jariia etılmeitını de aityldy. Istıŋ soŋǧy şeşımın sot şyǧarady. Erık Baijünısov därı-därmekterdı saraptau ūlttyq ortalyǧyna jaqynda, biylǧy jyldyŋ 4 tamyzynda basşy bolyp taǧaiyndalǧan. Ol osy qyzmetke barǧan kezde-aq äleumettık jelıdegı köp adam onyŋ türıne qarap, qyzmettı adal atqaratynyna kümän keltırıp edı. Sol sabaz ekı aiǧa da jetpei para alumen qolǧa tüsıp, jelıdegılerdıŋ «senımın aqtady»… 21 qyrküiekte Sybailas jemqorlyqqa qarsy qyzmet sybailas jemqorlyq küdıgıne ılıngenı üşın elektrondy qadaǧalau qūraldary – «tūsau bılezıkter» taǧu täjıribesı engızılgenın habarlady. Ol būltartpau şaralary taŋdalǧan tūlǧaǧa taǧylatyny da aityldy. Biylǧy jyldyŋ 17 qyrküiegınde būl täjıribe alǧaş ret Qaraǧandyda ıske qosyldy. Foto aşyq derekközden alyndy.