Bügın «Rixos Khadisha Shymkent» qonaq üiınde Öŋırlık käsıpkerlık keŋesı men Şymkent qalasy äkımdıgınıŋ bırlesken jiyny öttı. Alqaly jiynǧa qala äkımı M.Äitenov, Käsıpkerler palatasynyŋ direktory N.Qabyştaev jäne keŋes müşelerı qatysty.
Basqosuda karantin kezınde japa şekken käsıpkerlerdıŋ mäselelerı talqylanyp, atalǧan salany qaita körkeitu jäne damytu jaily aityldy. Jiynda söz alǧan Şymkent qalasynyŋ äkımı Mūrat Äitenov kezdesudıŋ maŋyzdylyǧyna toqtalyp, memleket tarapynan körsetılıp jatqan qoldau şaralary turaly maǧlūmat berdı.
Äkımnıŋ aituynşa, qalada käsıpkerlıktı qoldau men damytu maqsatynda bırneşe memlekettık baǧdarlama ıske asyryluda. Atap aitqanda, «Biznestıŋ jol kartasy — 2025», «Qarapaiym zattar ekonomikasy» jäne «Eŋbek» baǧdarlamalary bar.
— «Biznestıŋ jol kartasy-2025» baǧdarlamasy şeŋberınde bank nesielerınıŋ paiyzdyq mölşerlemesı subsidiialanady jäne neseienıŋ belgılı bır bölıgın memleket kepıldendıredı. Oǧan qosa innovasiialyq jobalardy ıske asyruǧa memlekettık granttar qarastyrylǧan. Jalpy, 2020 jylǧa osy baǧdarlamany ıske asyruǧa biudjetten 4,5 mlrd. teŋge bölıngen. Al, «Qarapaiym zattar ekonomikasy» baǧdarlamasy boiynşa käsıpkerlerge syiaqy mölşerlemesın subsidiialau arqyly 6 paiyzben 10 jyl merzımge nesie berıledı. Käsıpkerdıŋ kepıl mülkı jetpegen jaǧdaida memleket tarapynan 30 paiyzdan 50 paiyzǧa deiın kepıl ūsynylady. Sonymen qatar «Eŋbek» baǧdarlamasy aiasynda jylyna 6 paiyzdyq mölşerlememen 5 jylǧa 22 mln. teŋgege deiın nesie beru qarastyrylǧan. Sondai-aq, äleumettık tūrǧyda osal topqa jatatyn azamattarǧa üstemaqysy 4 paiyzdyq jeŋıldetılgen nesieler berıledı, — dedı qala basşysy.
Biznes ökılderın Şymkent pen respublikanyŋ özge öŋırlerınde ötkızıletın memlekettık satyp alu konkurstaryna belsendı türde qatysuǧa şaqyrǧan şahar basşysy äkımdıktıŋ karantin kezınde zardap şekken käsıpkerler men jaŋa jobalardy jüzege asyrǧysy keletınderge tiıstı qoldau körsetetının aitty.
Sonymen qatar, jiynda Käsıpkerler palatasynyŋ direktory N.Qabyştaev käsıpkerlık mäselelerı boiynşa Jobalyq keŋse jūmysynyŋ qorytyndysyn baiandap, Şymkentte älı bäsekelestık qalyptaspaǧan baǧyttardaǧy tyŋ jobalar jaily äŋgımeledı.
Şymkent qalasy äkımınıŋ baspasöz qyzmetı
