Qazaqstan Respublikasynyŋ Sifrlyq damu, innovasiialar jäne aeroǧaryş önerkäsıbı ministrlıgı jäne Kaspi.kz JK (jeke käsıpker) tırkeu boiynşa jaŋa servis ıske qosyldy.
Qazaqstan Respublikasynyŋ Sifrlyq damu, innovasiialar jäne aeroǧaryş önerkäsıbı ministrlıgı (SDİAÖM) jäne Kaspi.kz qazaqstandyqtarǧa memlekettık körsetıletın qyzmetterdı onlain türınde tez jäne oŋai aluǧa kömektesetın jaŋa servister bırlesıp äzırlenude.
JK tırkeu üşın endı osy qyzmettı Kaspi.kz qosymşadan taŋdap, saualnamany toltyryp, Kaspi ESQ kömegımen qol qoiu jetkılıktı.
Osyndai alǧaşqy joba Kaspi.kz mobildı qosymşada JK tırkeu servisı bolyp tabylady. Servis qūjattardy qaşyqtyqtan tekseruge, käsıpkerdı säikestendıruge, tırkeudı rastauǧa arnalǧan bırqatar zamanaui tehnikalyq şeşımderdı qamtidy.
Qazaqstan Respublikasynyŋ Sifrlyq damu, innovasiialar jäne aeroǧaryş önerkäsıbı ministrı Baǧdat Musin:
«Biznes arqyly memlekettık qyzmet körsetu ideiasy Ministrlık komandasyna tiesılı. Odan keiın «ŪAT» AQ men Kaspi.kz-tıŋ üilesımdı atqarylǧan jūmysy. Memlekettık qyzmetterdı neǧūrlym tanymal servisterde ūsynuy el üşın tarihi sät dep esepteuge bolady. Bız biznespen belsendı türde bırge qyzmet etemız, öitkenı halyqtyŋ qyzmet aluda taŋdauy boluy tiıs. Būl özara ıs-qimyl moraldyq tūrǧydan eskırgen Egov-qa jüktemenı aitarlyqtai azaitady jäne memlekettık qyzmetterdı ūsynu jönındegı jaŋa mümkındıkter jasaidy. Endı qazaqstandyqtar memlekettık qyzmetterdı özderıne yŋǧaily joldarmen ala alady».
Joba aiasynda Qazaqstan Respublikasy Sifrlyq damu, innovasiialar jäne aeroǧaryş önerkäsıbı ministrlıgı, Kaspi.kz, Memlekettık kırıster komitetı jäne «E-lisenziialau» memlekettık derekter qory aqparattyq jüielerın integrasiialau jürgızıldı.
"Adyrna" ūlttyq portaly
