Şetelde tūratyn etnikalyq qazaq jastarymen bailanys ornatu maqsatynda soŋǧy jyldary belsendı jūmystar jürgızılude. Osyǧan orai, «Otandastar qory», «Düniejüzı qazaqtarynyŋ qauymdastyǧy» RQB jäne «Jas qazaq» halyqaralyq jastar ūiymy «Kielı Qazaqstan» jobasy aiasynda üşınşı ret Qazaqstannyŋ kielı jerlerıne saiahat ūiymdastyrdy.
Is-şaranyŋ maqsaty – qandastardy «Kielı Qazaqstan» baǧdarlamasy arqyly körnektı jerlerımen tanystyra otyryp, «Ruhani jaŋǧyru» baǧdarlamasynyŋ negızınde bılım, mädeni-gumanitarlyq mümkındıkter turaly aqparat beru; şeteldegı etnikalyq qazaqtardy qoldau boiynşa jürgızılıp jatqan jūmystar jaily habardar etu; bolaşaqta etnikalyq qazaq jastardyŋ bırlesıp jūmys ısteuıne, bailanystarynyŋ nyǧaiuyna türtkı bolu.
Qazaqstannyŋ türlı qalalarynda bılım alyp jatqan qandas jastar būl joly Şymkent jäne Türkıstan oblysyna saiahattady. Elımızdıŋ jetekşı oqu oryndarynda bılım alatyn 20 şäkırt.
Is-şara ekı künge josparlanǧan bolatyn. Jiynnyŋ alǧaşqy künı Şymkentte «Qandas jastarmen – bolaşaqqa» atty döŋgelek üstel ūiymdastyryldy. Basqosuda qandas jastar bırqatar atqarylyp jatqan jobalarmen tanysty. Odan ärı qarai Şymkent maŋyndaǧy kielı jerlerdı tamaşalady. Sairam tarihymen tanysyp, dendrologiialyq saiabaq turaly tanymdaryn arttyrdy.
Ekınşı künı qatysuşylar Türkıstan qalasyna attandy.
Şymkent qalasynyŋ Aqparattyq-kommunikasiialyq ortalyǧy
