Būl jönınde Şymkent qalasy äkımınıŋ orynbasary Maulen Aimanbetov özınıŋ instagramdaǧy paraqşasynda jariialady.
Şymkent qalasynyŋ geoportaly – qalada ornalasqan ärbır nysan turaly tolyq aqparat jinaqtalatyn arnaiy sait bolady deidı.
Atalǧan portaldy kezeŋ kezeŋımen ıske qosu josparlanyp otyr. Jyl soŋyna deiın 1 kezeŋ ıske qosylady dep kütılude. Onda jer qatynastary salasyndaǧy körsetıletın memlkettık qyzmetterdıŋ barlyǧy engızılıp, tolyǧymen avtomattandyrylady. Iаǧni qalanyŋ Bas jospary, jerge qatysty aqparattar, mekenjai anyqtamasy qosylady.
Jalpy portal - qala aumaǧyndaǧy nysandar men prosester turaly şynaiy jäne özektı aqparatty jedel aluǧa mümkındık beredı. Joba aiasynda säulet jäne jer qatynastary salasynda käsıpkerlık baǧytyndaǧy prosesterdı avtomattandyru, qyzmet körsetu sapasyn joǧarylatu jäne merzımın qysqartu josparlanuda.
Atap aitqanda, säulet-josparlau tapsyrmasyn jäne injenerlık kommunikasiialarǧa qosyluǧa arnalǧan tehnikalyq şarttardy alu, olardy kelısu jäne qūjattardy beru sekıldı prosesterın geoaqparattyq servis arqyly avtomattandyru jūmystary jürgızıletın bolady.
Servis arqyly kez kelgen qala tūrǧyny (investorlar, käsıpkerler jäne t. b.) jer uchaskesı turaly, onyŋ kadastrlyq qūny, kepıldık jarnasy, jer uchaskesınıŋ ornalasqan jerı jäne özge de aqparatty köre alatyndai etıp äzırlenedı.
Sondai-aq, nysannyŋ ornalasuy jäne sol aumaqtyŋ damu baǧytyn köru arqyly käsıpkerler öz käsıbın qandai kölemde jürgızu kerektıgın baǧamdai aluyna mümkındık bar. Odan özge, käsıpker nemese investordyŋ tehnikalyq şarttardy daiyndau jäne kelısu kezeŋderınde öz ötınışın baqylai alady.
Käsıpkerlerdı qoldaudy oŋtailandyru maqsatynda gazben jabdyqtau, elektr jäne sumen jabdyqtau, jylu jüiesıne qosu, bailanys jäne telekommunikasiia jelılerıne qosuǧa arnalǧan tehnikalyq şarttardy alu prosesterı jäne olardy kelısu, servis arqyly "tehnikalyq şarttar" qūjatyn beru tolyǧymen avtomattandyrylady deidı portaldy daiyndauşy mamandar.
Atalǧan joba aşyqtyq negızınde jasalady. Tehnikalyq şarttardy aludyŋ merzımderın qysqartady, vedomstvoaralyq kelısu prosesın jeŋıldetedı.
Şymkent qalasy äkımınıŋ baspasöz qyzmetı
