Şymkent qalasynda şalǧai ornalasqan tūrǧyn alaptardaǧy 39 köşege jaryq şamdar ornatylyp, tört köşenıŋ jaryq jüielerıne qaita qūru jūmystary jürgızıldı. Al aldaǧy üş jylda qaladaǧy 303 köşenı jaryqtandyru josparlanyp otyr. Būl turaly energetika jäne kommunaldyq şaruaşylyq basqarmasy habarlady.
Basqarma mamandarynyŋ mälımetıne süiensek, qaladaǧy Qūrsai, Qazǧūrt, Saule şaǧyn audandaryndaǧy bırqatar köşeler men Qainarbūlaq saiajaiynyŋ ortalyq köşesıne jaryqtandyru baǧanalary qoiyluda eken.
Sondai-aq, Lengır baǧytyndaǧy tas joldyŋ eskı şamdary diodty şamdarǧa auystyrylyp, qosymşa jaryq jüiesı ornatylǧan.
Sala mamandarynyŋ aituynşa, qala köşelerın jaryqtandyru boiynşa üş jyldyq jospar jasalynǧan. Jospar tolyq ıske asyrylǧan uaqytta 100 paiyz energiia ünemdeitın LED şamdar qoiylyp, tozǧan tırekterdı tolyǧymen jaŋasyna auystyryp, jaryqtandyrylatyn köşelerdıŋ sany 181-den 484 köşege ūlǧaiady eken.
Sonymen qatar, şalǧai eldı mekenderdegı köşelerdı syrtqy jaryqtandyrumen qamtamasyz etu jäne dispetcherlık ortalyq qūru arqyly bır ortalyqtan basqaru közdelıp otyr.
Şymkent qalasy äkımınıŋ baspasöz qyzmetı
