Qazaqstan Respublikasynyŋ Tūŋǧyş Prezidentı Nūrsūltan Nazarbaev Qasym-Jomart Toqaevty ne sebeptı memleket basşysyna ūsynǧanyn aityp berdı. Ol būl turaly «Abai amanaty» maqalasynda jazdy, dep habarlaidy «Adyrna» tılşısı.
Elbasy prezident retındegı ökılettıgın öz erkımen toqtatu turaly şeşım qabyldamas būryn bolaşaq el basqarar azamatqa qajet qairatkerlık täjıribe men taǧylym jaiyna asyqpai, zer sala qaraǧanyn atap öttı.
«Qazaqstan täuelsızdıgınıŋ alǧaşqy künderınen bastap menımen bırge jūmys ıstegen Qasym-Jomart Toqaevtyŋ adal ärı jauapkerşılıgı joǧary azamat ekenın esepke almaǧanda, onyŋ eldegı ışkı jaǧdaidy saralap qana qoimai, şyǧystyŋ da, batystyŋ da tılderın meŋgergendıgın, Bırıkken Ūlttar Ūiymy Bas hatşysynyŋ orynbasary qyzmetın atqarǧanyn, älemdık saiasattaǧy Qazaqstannyŋ ornyn baiyptai alatyn diplomattyq qyryn da eskerdım. Sondai-aq, özım airyqşa män berıp kele jatqan el bırlıgı mäselesı men adamzattyq qūndylyqtardy üilestıru qabıletıne senım arttym»,-dedı Nūrsūltan Äbışūly.Eske sala keteiık, Qazaqstannyŋ tūŋǧyş prezidentı ökılettıgın 2019 jyldyŋ 19 nauryzynda öz erkımen toqtatqan edı. Konstitusiia boiynşa memleket basşysynyŋ mındetı senat töraǧasy Qasym-Jomart Toqaevqa öttı. Ötken jyldyŋ mausymynda Toqaev sailauşylar dausynyŋ 70,96 % ielenıp, QR 2-prezidentı bolyp sailandy.
«Adyrna» ūlttyq portaly
