6-qazan seisenbı künı Aqtöbe oblysynyŋ äkımı Oŋdasyn Orazalin öŋırdegı bılım beru, densaulyq saqtau, äleumettık qorǧau salalaryndaǧy, sondai -aq pandemiiaǧa qarsy kürestegı qajyrly eŋbegı üşın 22 azamatqa «Halyq alǧysy» medalın tabystady.
«Biylǧy jyl bärımızge de ülken synaq boldy. Älemdı älekke salǧan ındet el şetıne kelgende, oǧan qarsy tūruǧa bükıl el bolyp jūmyldyq. Karantin rejimıne köşıp, ädettegıden tys jaǧdaida jūmys ısteuge ikemdeldık. Memleket basşysy Qasym-Jomart Toqaev qauıptı virustyŋ keŋ tarap ketpeuı üşın osyndai kürdelı, bıraq asa qajet şeşım qabyldady. Därıgerlerımız öz bılımderımen täjıribelerınıŋ arqasynda qanşama adamnyŋ ömırın saqtap qaldy. Halyqtyŋ densaulyǧy men qauıpsızdıgın qamtamasyz etu üşın, mümkın bolǧan qauıp - qaterge qaramai ındetke qarsy küresu – naǧyz patriotizmnıŋ körınısı dep sanaimyn. Özderıŋızdei azamattar bügıngı künnıŋ şynaiy batyrlaryna Halqymyzdyŋ alǧysy şeksız»,-dep atap öttı aimaq basşysy.
«Halyq alǧysy» medalımen Äkımşılık polisiia basqarmasy bastyǧynyŋ orynbasary Erlan Älimaǧanbetov, Aqtöbe qalasy äkımşılık polisiia bölımınıŋ bastyǧy Viacheslav Bikmūhanov, densaulyq saqtau basqarmasy basşysynyŋ orynbasary Aigül Düisenbaeva, «Jaisan» şekara baqylau bölımşesınıŋ kışı baqylauşysy Arslan Orazov t.b är türlı sala mamandary men käsıpkerler, erıktıler tobynyŋ jetekşılerınen qūralǧan bırqatar aqtöbelık marapattaldy.
Aqtöbe oblysy
