Májilistegi «Halyq kommýnısteri» frakııasynyń depýtattary premer-mınıstrge zeınet jasyn tómendetý týraly depýtattyq saýal joldady dep habarlaıdy «Adyrna» ulttyq portaly Sputnik Qazaqstanǵa silteme jasap.
Májilismen Aıqyn QOŃYROV bul shara qarttardyń ómiri men densaýlyǵyn saqtaýǵa ǵana septigin tıgizbeı, ekonomıkalyq daǵdarys jaǵdaıynda eńbek naryǵyna da oń áser etedi dep sanaıdy.
«Dúnıejúzilik densaýlyq saqtaý uıymynyń málimetinshe, COVID-19 vırýsynyń ereksheligi sol, ólim-jitimniń deni 60 jastan asqan adamdar arasynda tirkelgen. Egde jastaǵylardyń vırýsty tez juqtyrýy organızmdegi fızıologııalyq ózgeristermen, ımmýndyq reakııanyń tómendigimen jáne basqa da qosymsha aýrýlardyń bolýymen baılanysty. Osylardyń áserinen olar indetke shaldyǵýǵa beıim keledi, aýrýdyń aýyr túrin bastan ótkerip, asqynyp, sońy ólimmen aıaqtalyp jatady», – degen depýtat «Halyq kommýnısteri» frakııasy azamattardyń zeınetkerlikke shyǵý jasyn qaıta qaraýǵa shaqyratynyn jetkizdi. «Azamattardyń pikirin negizge ala otyryp, áıelder men erler úshin zeınet jasyn 60 jasqa deıin tómendetýdi usynamyz», – dedi Qońyrov.
Jón sóz. Qazaqstanda basqasyn aıtpaǵanda, zeınetkerlerge ómir súrý kún ótken saıyn aýyr azapqa aınalyp barady. COVID-19 indeti kelmeı turyp ta, bizdegi zeınetkerler ár aıdan kelesi aıǵa deıin tıyn sanap, bir kún ash, bir kún toq, áıteýir ólmestiń kúıin keship júrgen edi. Endi mynaý COVID-19 jaılap, ıtarshylyqpen áreń kúneltken zeınetkerlerimizdiń tipti tıtyqtap qalǵan jaıy bar.
Kommýnıst Qońyrovtyń usynysy qoldaý tabady ma, joq pa, ol jaǵy belgisiz. Alaıda, adamnyń jasy ulǵaıǵan saıyn jumys isteý bylaı tursyn, júrip turýynyń ózi ońaıǵa soqpaıtynyn osy kommýnıster partııasyndaǵy Kosarev myrza óte jaqsy túsinse kerek. Partııalastary mynadaı máseleni kóterip jatqanda, Kosarev shynaıy qarttyqtyń qalaı bolatynyn aıtyp, bıliktegilerge qosymsha úndeý joldar ma eken? Álde, áriptesteriniń mynadaı usynysy qytyǵyna tıip, qyjylyn qaınatty ma eken?
Qalaı desek te, zeınet jasyn azaıtý ǵana emes, bıliktiń qulaǵyn ustaǵan zeınetkerlerdiń máselesi de minberlerde aıtylyp, sheshimin tapqany jón edi. COVID- 19-dyń eń aldymen zeınet jasyndaǵy adamdardy «qulatatynyn» eskersek, Qazaqstanǵa bul indettiń bergen paıdasy bálkim, zeınet jasyn azaıtý men Aq Ordany zeınetkerlerden bosatý bolatyn shyǵar, kim bilsin.
Merýert HÝSAINOVA, «Adyrna» ulttyq portaly.
Foto ashyq derekkózden alyndy.
