Kommunister Kosarevtıŋ qytyǧyna tiıp ketpedı me?

Mäjılıstegı «Halyq kommunisterı» fraksiiasynyŋ deputattary premer-ministrge zeinet jasyn tömendetu turaly deputattyq saual joldady dep habarlaidy «Adyrna» ūlttyq portaly Sputnik Qazaqstanǧa sılteme jasap. Mäjılısmen Aiqyn QOŊYROV  būl şara qarttardyŋ ömırı men densaulyǧyn saqtauǧa ǧana septıgın tigızbei, ekonomikalyq daǧdarys jaǧdaiynda eŋbek naryǧyna da oŋ äser etedı dep sanaidy. «Düniejüzılık densaulyq saqtau ūiymynyŋ mälımetınşe, COVID-19 virusynyŋ erekşelıgı sol, ölım-jıtımnıŋ denı 60 jastan asqan adamdar arasynda tırkelgen. Egde jastaǧylardyŋ virusty tez jūqtyruy organizmdegı fiziologiialyq özgerıstermen, immundyq reaksiianyŋ tömendıgımen jäne basqa da qosymşa aurulardyŋ boluymen bailanysty. Osylardyŋ äserınen olar ındetke şaldyǧuǧa beiım keledı, aurudyŋ auyr türın bastan ötkerıp, asqynyp, soŋy ölımmen aiaqtalyp jatady», – degen  deputat «Halyq kommunisterı» fraksiiasy azamattardyŋ zeinetkerlıkke şyǧu jasyn qaita qarauǧa şaqyratynyn jetkızdı. «Azamattardyŋ pıkırın negızge ala otyryp, äielder men erler üşın zeinet jasyn 60 jasqa deiın tömendetudı ūsynamyz», – dedı Qoŋyrov. Jön söz. Qazaqstanda basqasyn aitpaǧanda, zeinetkerlerge ömır süru kün ötken saiyn auyr azapqa ainalyp barady. COVID-19 ındetı kelmei tūryp ta, bızdegı zeinetkerler är aidan kelesı aiǧa deiın tiyn sanap, bır kün aş, bır kün toq, äiteuır ölmestıŋ küiın keşıp jürgen edı. Endı mynau COVID-19 jailap, itarşylyqpen äreŋ küneltken zeinetkerlerımızdıŋ tıptı tityqtap qalǧan jaiy bar. Kommunist Qoŋyrovtyŋ ūsynysy qoldau tabady ma, joq pa, ol jaǧy belgısız. Alaida, adamnyŋ jasy ūlǧaiǧan saiyn jūmys ısteu bylai tūrsyn, jürıp tūruynyŋ özı oŋaiǧa soqpaitynyn osy kommunister partiiasyndaǧy Kosarev myrza öte jaqsy tüsınse kerek. Partiialastary mynadai mäselenı köterıp jatqanda, Kosarev şynaiy qarttyqtyŋ qalai bolatynyn aityp, bilıktegılerge qosymşa ündeu joldar ma eken?  Älde, ärıptesterınıŋ mynadai ūsynysy qytyǧyna tiıp, qyjylyn qainatty ma eken? Qalai desek te, zeinet jasyn azaitu ǧana emes, bilıktıŋ qūlaǧyn ūstaǧan zeinetkerlerdıŋ mäselesı de mınberlerde aitylyp, şeşımın tapqany jön edı. COVID- 19-dyŋ eŋ aldymen zeinet jasyndaǧy adamdardy «qūlatatynyn» eskersek, Qazaqstanǧa būl ındettıŋ bergen paidasy bälkım, zeinet jasyn azaitu men Aq Ordany zeinetkerlerden bosatu bolatyn şyǧar, kım bılsın. Meruert HUSAİNOVA, «Adyrna» ūlttyq portaly. Foto aşyq derekközden alyndy.