Mūhtar Äbliazov Fransiiada Qazaqstan qozǧaǧan qylmystyq ıs boiynşa 7,5 milliard dollar jymqyrdy dep aiyptaldy. Ol qazırgı taŋda sottyŋ baqylauynda. Būl turaly būrynǧy qazaqstandyq bankirdıŋ advokaty aitty, - dep habarlaidy «Adyrna» ūlttyq portaly Radio Free Europa-ǧa sılteme jasap.
Zaŋgerdıŋ aituynşa, Fransiiadan saiasi baspana alǧan Äbliazovke «senım üdesın asyra paidalandy» jäne «aqşanyŋ ızın jasyrdy» degen aiyp taǧylǧan. Sondai-aq, Jerar Cholakian Parij prokuraturasyna Qazaqstannan şaǧym tüskenın atap öttı.
Mūhtar Äbliazovtyŋ özı düisenbıde qamauǧa alynyp, ekı kün türmede otyrǧanyn aitqan bolatyn. Būqaralyq aqparat qūraldarynyŋ habarlauynşa, bankir keiınırek bosatylǧan.
Eske sala keteiık, Äbliazov BTA bankınen şamamen 7 milliard dollar jymqyrǧany
üşın syrttai 20 jylǧa sottalyp, 2018 jyly Erjan Tätışevtıŋ ölımın ūiymdastyrǧany üşın ömır boiyna bas bostandyǧynan aiyrylǧan bolatyn. Qazırgı taŋda BTA bankınıŋ būrynǧy basşysyn Resei men Ukraina biudjetınen 5 milliard dollar ūrlady degen küdıkpen ızdestırıp jatyr.
«Adyrna» ūlttyq portaly
