Aqtöbe oblysynda belgısız batyrdyŋ eskertkışıne 43 million teŋge bölıngen, dep habarlaidy «Adyrna» ūlttyq portaly «Astana TV» arnasyna sılteme jasap. Oblys tūrǧyndary batyrǧa eskertkış qoiuǧa qarsy. Bırı Täitäi batyr tarihta joq dese, endı bırı ol Qostanai oblysy äkımınıŋ arǧy atalary dep otyr.
Tas müsınnıŋ qūrylysy ekı apta būryn bastalǧan.Halyq jol boiyna Täitäi batyrǧa arnalǧan eskertkış salynyp jatqanyn estıgende taŋ qalǧan. Auyl aqsaqaldary mūndai tūlǧany tanymaimyz, tıptı estımegenbız deidı. Olar arnaiy anomastikalyq komissiiamen bekıtılmei, jergılıktı halyqpen sanaspai nege belgısız batyrǧa eskertkış qoiylatynyn tüsınbeidı.
«Halyq auzynda joq, iä ädebiette joq adamǧa mūnşa aqşa bölıp, qarjyny dalaǧa şaşuǧa tübegeilı qarsymyn»,-deidı auyl qūrǧyny Ūzaqbai KESIK.Bazynaly halyqtyŋ talaby bıreu. Olar qomaqty qarajatty tas müsınge jūmsaǧanşa, ekologiialyq aimaq üşın asa qajet jaŋa poligon saluǧa, eŋ aiaǧy joldardy jöndeuge jūmsasyn dep otyr. Jergılıktı şeneunıkterde qazynadan qomaqty qarajattyŋ bölıngenın rastady. Basşylardyŋ aituy boiynşa, aqşa eskertkıştı saluǧa emes, onyŋ ainalasyn abattandyruǧa jūmsalady.
«Adyrna» ūlttyq portaly
