Būl turaly Şymkent qalasy äkımınıŋ bırınşı orynbasary Şyŋǧys Mūqan özınıŋ äleumettık jelıdegı paraqşasynda habarlady.
- Barlyq bılım beru ūiymdary internetke qosylǧan. Oǧan 235,9 million teŋge bölındı. «Qazaqtelekom» AQ-men internet jyldamdyǧyn sekundyna 8-den 12 megabaitqa deiın arttyru turaly kelısımşart jasaityn bolamyz. 18 461 otbasydan 31 798 bala internet-bailanysyna mūqtaj. Onyŋ ışınde 17 701 otbasyǧa «Bilim al» trafigı qosylǧan SIM-kartalar berıldı, al 760 otbasynyŋ üilerıne kabeldık internet jürgızıldı, - dedı ol.
Aita ötu kerek, üşınşı megapoliste 224 618 bala qaşyqtyqtan oqyp jatyr. Olardy tehnikamen qamtamasyz etu maqsatynda bügıngı taŋǧa deiın 33 840 kompiuter berıldı. Oquşylar qajettılıgı üşın kompiuter taratu älı de jalǧasu üstınde.
Şymkent qalasy äkımınıŋ baspasöz qyzmetı
