Qazaqstanda kımder $5000-ǧa deiın jalaqy alady?

R BǦM «ADAL BILIM» jobalyq keŋsesınıŋ äkımşısı Sergei Pennıŋ pıkırınşe, Qazaqstannyŋ joǧary bılım beru jüiesınde ekı negızgı problema bar. Sonyŋ bırı - oqytuşylar men professorlardyŋ jalaqysynyŋ tömendıgı. Onyŋ aituynşa, universitetter ǧylymi salaǧa talantty kadrlardy tartuy tiıs. Būl rette olardyŋ jalaqysy da tiısınşe joǧary boluy şart, dep habarlaidy "Adyrna" ūlttyq portaly. "Mysaly, M.S. Närıkbaev atyndaǧy KAZGIýU universitetınde halyqaralyq gradasiia jüiesı boiynşa jūmys ısteitın professorlardyŋ jalaqysy  $1000-dan $5000-ǧa deiın.  Būl jerde, ärine, memlekettık qoldau qajet. Köptegen elder Joǧary oqu oryndarynyŋ bazasynda jūmys ısteitın ǧalymdaryn  tıkelei qarjylandyrady. Būl öte maŋyzdy aspekt", - dep atap öttı Sergei Pen Ortalyq kommunikasiialar qyzmetı alaŋynda ötken brifingte.   Ol Qazaqstandyq joǧary oqu oryndar studentter men bılım beru üderısın biznes retınde qabyldaitynyn da mälımdedı.   "Studentterge ämiian retınde qarap, bılım jüiesın tabys közıne ainaldyrudyŋ qajetı joq. Bılım sapasy da tiısınşe joǧary deŋgeige kötersın. Mūndai jaǧdaida olar kontingentın joǧaltuǧa, sūranysty joǧaltuǧa jäne  kırıstıŋ azaiuyna daiyn boluy kerek.  Joǧary oqu oryndarynyŋ sapasyn arttyru üşın syrtqy baqylau tetıkterın qoldanudy ūsynamyn. Mysaly, baǧa medianasyn engızu ideiasy.  Keibır universitetterde 100% student qabyldanyp,  800%  bıtırıp şyǧady. Elımızde mūndai jaǧdailar jiı kezdesedı. Būl mäselemen küresu kerek"- dep mälımdedı QR BǦM" ADAL BILIM "  jobalyq keŋsesınıŋ äkımşısı Sergei Pen.   Onyŋ pıkırınşe, sabaq beru deŋgeiın qolǧa alǧan  universitetter ǧylymi bılımdı qalyptastyru üşın zertteu qyzmetınıŋ deŋgeiın de köteruı kerek.