Bügın aqparattyq-kommunikasiialyq ortalyǧynda Şymkent qalalyq Densaulyq saqtau basqarmasy basşysynyŋ mındetın atqaruşysy B.Pozilov jäne Densaulyq saqtau basqarmasy ökılderınıŋ qatysuymen qaladaǧy epidemiologiialyq ahual töŋıregınde brifing öttı.
Baspasöz mäjılısınde Baqytjan Joldasbekūly, eŋ aldymen, epidemiologiialyq jaǧdai kezındegı üilestıru toptarynyŋ jūmysyna toqtaldy.
– Üilestıru toptary yqtimaldy ekınşı tolqyn kezınde situasiialyq ştatta otyryp, ärqaisysy öz salasy boiynşa jūmystaryn atqarady. Mäselen, olar jedel järdem qyzmetterı, kündızgı stasionarlar men provizorly oryndar jäne qūrylǧylar barysyn, jalpy, epidemiologiialyq jaǧdaidy baqylaidy ärı oǧan jauap beredı. Būl jūmysymyzdyŋ sapasyn arttyrady, oǧan qosa qalyptasqan ahualdy edäuır jeŋıldetedı. Osy rette üilestıru tobyna qūrylǧylardyŋ jūmys sapasyn arttyru maqsatynda bas rentgenolog jäne kompiuterlık tomografiia men rentgen apparattaryna jauap beretın tehnika mamandaryn qostyq, – dedı B.Pozilov.
Baqytjan Joldasbekūlynyŋ aituynşa, yqtimaldy ekınşı tolqyn kezınde provizorly jäne infeksiialyq stasionarlardyŋ jūmysyn äzırleu maqsatynda arnaiy 3 ssenarii tüzılgen. Olar – tūraqty, qolaisyz jäne jaǧdai örşıgen kez. Būl josparlar («A», «B» «S») barysynda bır-bırıne auysu sätın üş saǧattyŋ ışınde jüzege asyru jolǧa qoiylǧan.
Brifingte belgılı bolǧandai, qalada koronavirus jūqtyrǧan nauqastardy qabyldaityn 13 diagnostikalyq ortalyq ūiymdastyrylǧan. Onda 17 KT jäne 30 rentgen apparaty bar. Sonymen bırge 6 PTR zerthanasy bar, onyŋ 2-euı jaŋadan aşylǧan, täulıgıne 2 500 test qabyldaidy. Sondai-aq, materialdyq-tehnikalyq jabdyqtau boiynşa qosymşa 282 İVL apparaty alynyp, jalpy sany 612 bırlıkke jetken. Odan bölek, jaŋa 3 ottegı stansiiasy men 9 sūiyq ottegı rezervuary qondyrylǧan. Al jedel järdem boiynşa jaŋa call-center ıske qosylǧan jäne şaqyrudy qabyldau liniiasy 9-dan 28-ge ösıp, operatorlar sany üş esege artqan. Sonymen qatar, medisina ūiymdarynyŋ özara äreket algoritmı pysyqtalyp, nauqastardy kategoriialarǧa böludı üilestıru üşın 3 ret oqu-jattyǧu ötkızılgen.
Aita keteiık, bügınde qalada epidemiologiialyq ahual tūraqty. Qala boiynşa KVİ jūqtyrudyŋ jalpy 5 209 jaǧdaiy tırkelıp, onyŋ ışınde 5 129 nauqas dertınen sauyqqan. Al JRVİ boiynşa qazırgı uaqytqa deiın 126 635 adamǧa vaksina salynǧan. Būl körsetkıştı 128 myŋnan asyru közdelıp, 15 qaraşaǧa deiın jüz paiyz oryndau josparǧa qoiylǧan.
Şymkent qalasynyŋ Aqparattyq-kommunikasiialyq ortalyǧy
Foto – Bereke Seiıtjappar
