Qazaqstanda internet nege älsız?

Senattaǧy Ükımet saǧatynda Sifrlyq damu, innovasiialar jäne aeroǧaryş önerkäsıbı ministrı Baǧdat Musin internet nege älsız ekenın aitty dep habarlaidy «Adyrna» ūlttyq portaly Baq.kz aqparattyq agenttıgıne sılteme jasap. Telekom operatorlarymen bırıgıp, internet jelısın damytu üşın elımızde ekı auqymdy joba ıske asyryluda. Bıraq soǧan qaramastan, nege internet älsız degen sūraqqa kelsek, bırneşe sebep bar. Bırınşısı, internet sapasyna qataŋ talaptardyŋ bolmauy. Ekınşısı, telekommunikasiia jelısınıŋ 90 paiyzy radiorelelık jelıde jäne äue bailanys arnalary boiynşa salynǧan. Telekommunikasiialyq operatorlardyŋ qyzmetıne tömen aiyppūldar belgılengen. Iаǧni tek 100 AEK somasynda ǧana aiyppūl sala alamyz, - deidı Baǧdat Musin. Onyŋ aituynşa, Toqaev ministrdı qabyldaǧan kezde radiojiılık salasyndaǧy «latifundizm» mäselesıne toqtalǧan. Būl degenımız kışı telekom operatorlar özderıne radiojiılıkter alyp, olardy qyzmet körsetu üşın paidalanbauda. Radiojiılık resurstardy tiımdı qoldanu maŋyzdy ekenı tüsınıktı. Bız arnaiy audit jasap, paidalanylmai kele jatqan jiılıkterdı memleketke qaitaryp aludy josparlaudamyz. Bıraq ol üşın tiıstı standarttar men zaŋnamaǧa özgerıster engızu qajet, - dedı ministr. Onyŋ aituynşa, bügınde 6 459 eldı mekennıŋ ışınde 118 qala men 4 558 auyl ärtürlı tehnologiia boiynşa internetpen qamtamasyz etılgen. Jyl soŋyna deiın 5 331 eldı mekendı internetpen qamtamasyz etu josparlanuda. Ekı jobanyŋ bıreuı - būl memlekettık-jekeşelık ärıptestık tetıgı arqyly optikalyq internettı şalǧaidaǧy auyldarǧa tartu joba boiynşa 2,4 mln adam tūratyn 1260-qa juyq auylǧa internet jelısı tartyluda. Eger 2018 jyly 56 auylǧa optikalyq jelı tartylsa, endı 944 auyl qosylatyn bolady. Būl jobaǧa 75 mlrd tengege juyq investisiia tartyldy. Joba aiasynda 3 700 memlekettık organ men biudjettık mekemelerge bailanys jetkızıldı. Ekınşı joba 250 adamnan köp tūrǧyny bar 928 auyldy 3G jäne 4G, sondai-aq basqa tehnologiia boiynşa mobildı internetpen qamtudy közdeidı, - dedı Musin. Foto aşyq derekközden alyndy.