AQŞ elşısı Borattyŋ filmıne qatysty pıkır aitty

AQŞ-tyŋ Qazaqstandaǧy elşısı Uiliam Mozer Kazakh TV arnasyna bergen sūhbatynda "Borat" filmınıŋ sikvelınıŋ şyǧuyna qatysty pıkırın aitty, dep habarlaidy "Adyrna" ūlttyq portaly Stan.kz aqparat agenttıgıne sılteme jasap. Elşı filmnıŋ bırınşı bölıgın tolyq körmegenın, tek onyŋ üzındılerın körgenın aitty. "Būl film ǧoi. Adamdar kinoǧa barady, ony köredı jäne boldy", - dedı Borattyŋ ekınşı bölımı turaly Mozer. Onyŋ aituynşa, AQŞ-ta tūratyn qazaqstandyqtar - eldıŋ naǧyz ökılderı. "Adamdardyŋ el turaly tüsınıgı jäne oǧan barmai-aq ol turaly ne oilaityny jeke bailanystardyŋ negızınde qalyptasady. AQŞ-ta Qazaqstannyŋ talantty ökılderı köp. Öz elın şynymen tanystyratyn adamdar filmnen görı äldeqaida ūzaq este qalady", - dep tolyqtyrdy Mozer. Eske sala keteiık, "Borat" komediiasynyŋ bırınşı bölımı 2006 jyly jaryq kördı. Onda avtor oidan şyǧarylǧan keiıpker - qazaqstandyq jurnalist Borat Saǧdievtıŋ beinesın paidalana otyryp, eşqaşan baryp körmegen el jaily baiandaidy. Film älemde aitarlyqtai rezonans tudyrdy, Qazaqstanda ol qatty synǧa ūşyrady jäne körsetuge tyiym salyndy. Kartinanyŋ ekınşı bölımı  "Borat: pornografiialyq maimyldyŋ vise-premer Mikael Penske jaqynda azaiǧan Qazaqstan halqynyŋ igılıgı üşın bergen syiy" (Borat: Gift Of Pornographic Monkey To Vice Premiere Mikhael Pence To Make benefit Recently Diminished Nation of Kazakhstan) dep atalady. Filmnıŋ premerasy Amazon Prime Video videoservisınde 23 qazanda ötedı.