Keshe senat spıkeri M.Áshimbaev M.Tazabekovti qabyldap, halyqtyń jaıyn talqylap, “egemen elimizde dinaralyq tatýlyq pen qoǵamdyq kelisimdi nyǵaıtýǵa, ulttyq qundylyqtarymyzdy dáripteýge jáne halqymyzdyń bereke-birligin arttyrýǵa zor úles qosyp júrgeni úshin Muhamedjan Tazabekti alǵys hatpen marapattapty”.
Alǵys hattyń mazmunyna súıensek, qazir M.Tazabekov kem degende 3 salada zor úles qosyp júr eken. Emoııasyz árqaısysyna jeke-jeke toqtalyp kóreıik.
Birinshi — dinaralyq tatýlyq pen qoǵamdyq kelisimdi nyǵaıtýǵa qosqan ZOR úlesi. M.Tazabektiń dinaralyq tatýlyq pen qoǵamdyq kelisimdi nyǵaıtýǵa qosqan ZOR úlesin qalaı ólsheımiz? Instagramdaǵy aýdıtorııasy jáne posttarynyń laık sanymen be? “Tálim trend” atty ýaǵyzdar serııasynyń tyndaýshylar sanymen be? N.Nazarbaevty basyna kóterip maqtaıtyn sózderi sanymen be? Shen-shekpendilerdiń qolynan alǵan alǵys hattary jáne olarmen birge túsken sýretter sanymen be?
Ekinshi — ulttyq qundylyqtarymyzdy dáripteýge qosqan ZOR úlesi. Ras, M.Tazabekov patshaǵa baǵyný men kóp áıel alýdy ýaǵyzdaýmen, seksologııamen aınalysqanǵa deıin aıtys aqyny retinde kópshiliktiń yqylasyna bólendi. Sol arqyly aıtysty nasıhattaýǵa úles qosty. Sol kezeńde memleketten talaı syı-sııapatyn aldy. Keıingi jyldary Tazabekovtiń aıtysqa qatyspaıtynyn, aıtystyń Nur Otannyń propaganda proektisine aınalyp ketkenin eskersek, onda Tazabekov ulttyq qundylyqtarymyzdy dáripteýge qalaı úles qosyp júr? Onyń keıingi ýaqyttaǵy is-áreketi ulttyq qundylyqtardy dáripteýden góri ulttyq qundylyqtardy jamylý arqyly el-jurtqa shúkir men tobany nasıhattaýǵa, rejımge qyzmet etýge, zombılerdiń sanyn arttyrýǵa kóbirek uqsaıdy.
Úshinshi — halqymyzdyń bereke-birligin arttyrýǵa qosqan ZOR úlesi. Polıeılerdi beıbit mıtıngige shyqqan qazaqstandyqtardyń quıymshaǵynan teýip, “prıkazdy oryndaýǵa” shaqyryp, ashyqtan ashyq azamattarǵa kúsh kórsetýge úgitteıtin adamdy “halqymyzdyń bereke-birligin arttyrýǵa ZOR úles qosyp júr” dep qalaı aıtamyz? Al Tazabekovke alǵys hat bergen M.Áshimbaev myrza basqasha oılaıtyn sııaqty.
Eske sala keteıin, QR Konstıtýııasy boıynsha M.Áshimbaev memlekettegi №2 adam. Osyǵan deıin M.Tazabekovti konstıtýııa boıynsha eldegi №3 adam N.Nyǵmatýlın qabyldaǵan. Endi konstıtýııa boıynsha eldegi №1 adam Q.Toqaev jáne Qazaqstandaǵy №01 adam N.Nazarbaevtyń Tazabekovti qabyldap, alǵys hat tabystaýy qaldy. Tazabekov general aǵasy Qaırekeńniń batasy men B.Tileýhannyń duǵasy arqasynda ol kúnge de jeter. Inshallah!
P.S. Saıasatta tanymal adamdardyń kópshilik aldynda bir-birine qoldaý kórsetýi jaıdan-jaı jasalmaıdy. Bir tulǵanyń ekinshi tulǵaǵa ashyq qoldaý bildirýi (endorsement) “Men onyń qundylyqtaryn qoldaımyn, onyń oıymen, is-áreketimen kelisemin” degendi bildiredi. Máselen, AQSh-ta jaqynda ótetin prezıdent saılaýy aldynda respýblıkalyq partııanyń múshesi bolǵan marqum Djon Makkeınniń jesiri Sındı Makkeın jáne birneshe respýblıkalyqtar Trampty emes demokrat Baıdendi qoldap shyqty. Bul — respýblıkalyqtar úshin de, saılaýshylar úshin de úlken sıgnal.
Al avtorıtarlyq Qazaqstanda saıasatkerlerdiń M.Tazabekov sekildi propagandısterdi jeke qabyldap, alǵysyn bildirip, ashyq qoldaý kórsetýi “rejımge jasap júrgen eńbegińdi baǵalaımyn” degenge keledi. Bul — qoǵam úshin qaýipti sıgnal.
