Şymkent qalasynyŋ äkımı Mūrat Äitenov Abai audanyndaǧy Arǧymaq tūrǧyn alabyn aralap, ondaǧy infraqūrylym mäselelerımen tanysty.
54 gektar aumaqty alyp jatqan tūrǧyn alapta 47 üi qonystanǧan. Ondaǧy tūrǧyndarǧa aptasyna ekı ret tasymaldy auyz su jetkızılıp tūrady. Bügınde sapaly auyz sumen qamtu boiynşa merdıger mekeme «Ulmad» JŞS-ı tarapynan jobalyq smetalyq qūjattary daiyndalǧan. Al elektr jaryǧymen qamtamasyz etu maqsatynda demeuşıler esebınen 29 baǧana ornatylǧan. Qazırgı taŋda 47 üi jaryq jelısıne qosylǧan. Memlekettık elektr jaryǧymen qamtu maqsatynda JSQ daiyndalu üstınde. Odan özge, alap tūrǧyndary tabiǧi gazǧa keler jyly qosylatyn boldy.
Sonymen qatar, mūnda byltyr 1,8 şaqyrymǧa, biyl 1,2 şaqyrym jolǧa şaǧal tas töselgen. Qalǧan 3,3 şaqyrym jolǧa şaǧal tas töseu jūmystary keler jyly aiaqtalady dep josparlanuda.
Mäselemen qanyqqan qala äkımı Arǧymaq tūrǧyn alabyn tabiǧi gazben qamtamasyz etu boiynşa daiyndalyp jatqan smetalyq qūjattardy jyl soŋyna deiın aiaqtaudy jäne infraqūrylym jüiesınıŋ sapaly oryndaluyn typsyrdy.
Şymkent qalasy äkımınıŋ baspasöz qyzmetı
