Bügınde Şymkent qalasynyŋ Abai audany aumaǧyna qosylǧan 10 eldımekennıŋ infraqūrylymdyq mäselelerın şeşu baǧytynda tiıstı jūmystar atqaryluda. Audan äkımı Būqarbai Parmanov tūrǧyn alaptarda infraqūrylym jüielerın şeşu maqsatynda tūrǧyndarmen tūraqty kezdesuler ötkızıp keledı.
B. Parmanovtyŋ aituynşa, audanda jalpy 24 eldımeken nemese 71 % sapaly auyz sumen qamtylyp otyr. Jyl basynda 2 eldımekenge sapaly auyz su jetkızılgen edı. 2020 jyly sapaly auyz sumen qamtamasyz etu jūmystaryna jalpy 8,4 mlrd. teŋge qarjy qaraldy. Jyl soŋyna deiın 4 eldımekennıŋ auyz su jüiesınıŋ qūrylys jūmystary aiaqtalyp, 18 myŋǧa juyq tūrǧynnyŋ sapaly auyz suǧa qoly jetpek.
Qazırgı taŋda audan aumaǧy boiynşa 25 eldımeken memlekettık elektr jaryǧymen qamtylyp otyr. Qalǧan 9 eldımeken jekemenşık elektr transformatorlaryn paidalanady. 2020 jyly elektr quatymen qamtamasyz etu boiynşa 1 eldımekennıŋ qūrylys jūmystaryna - 224 mln, 7 eldımekennıŋ JSQ-n daiyndauǧa - 118,3 mln. teŋge bölıngen.
Audanda 25 eldımeken nemese 74 % tabiǧi gaz jüiesımen qamtylsa, qalǧan 9 eldı meken qatty otyndy paidalanady. Biyl tabiǧi gazben qamtamasyz etu jūmystaryna jalpy 175,2 mln. teŋge bölındı. Atap aitqanda, 1 eldımekende qūrylys jūmystaryn jürgızu (106,2 mln.teŋge), 2 eldımekennıŋ JSQ-n daiyndau (50,2 mln. teŋge), Yntymaq-2 şaǧyn audany Batys bölıgındegı 2243 üidı gaz jüiesımen qamtamasyz etu üşın JSQ daiyndau, 6 eldımekenge tabiǧi gaz jüiesın tartu maqsatynda joba daiyndau jūmystary atqaryluda.
Sondai-aq, audan aumaǧynda jalpy 195,3 şaqyrymǧa irrigasiia jüielerı ornatylǧan. 2020 jyly audan aumaǧyndaǧy 7 mekenjaiǧa suaǧar (lotok) jüielerın ornatu jūmystary tolyq oryndaldy. Audanda jalpy ornatudy qajet etetın irrigasiia jüilderı 37,5 şaqyrym. 2021 jylǧa 14 şaqyrymdy qūraityn 21 köşe men aulaǧa irrigasiia jüielerın ornatu boiynşa qalalyq energetika jäne kommunaldyq şaruaşylyq basqarmasyna ūsynys joldanǧan.
Bügınde Samal-1,2,3 şaǧynaudandarynda kärız jüilerı (268,9 mln.teŋge) qūrylysy jürgızılude.
Şymkent qalasynyŋ Aqparattyq-kommunikasiialyq ortalyǧy
