Almaty qalasy Halyqqa qyzmet körsetu ortalyqtarynda pandemiiaǧa orai «Jüregıŋdı ızgılıkke üiret!» ailyq-marafony aiasynda tūrǧyndarmen jattyǧular ötkızude, dep habarlaidy «Adyrna» tılşısı. Oǧan HQO qyzmetkerlerımen qatar, qyzmet aluşylar da qatysuda.
Bügıngı pandemiia kezındegı, adam taǧdyry ūstara jüzınde tūrǧan tūrlausyz uaqytta, är jürekke meiırımdılık şuaǧyn ūialatyp, adamdar arasyndaǧy mahabbat pen dostyqty, adaldyq pen şynşyldyqty, aqpeiıldılık pen darhandyqty nyǧaita tüsetın şaralar qajet-aq. Mūny «Azamattarǧa arnalǧan ükımet» memlekettık korporasiiasy Almaty qalasy filialy kündelıktı jūmys daǧdysyna ainaldyrǧan. Toqtausyz tırşılıktıŋ köşınde qoŋyrqai küi keşken jandarǧa bır sät bolsa da jylulyq syilap, janyn jadyratar baqytty sättermen quantuǧa tyrysuda...
Ūjymdaǧy «Jylulyq syilaimyz» tūjyrymdamasy aiasynda ötkızılıp jatqan igı şaralardyŋ qatarynda, filial psihology ūiymdastyrǧan «Jüregıŋdı ızgılıkke üiret» marafonyn aituǧa bolady.
«Adam kei uaqytta özıne degen senımın joǧaltyp, küizelıske ūşyraidy, solai degenmen de, ömırge degen senımın, qūştarlyǧyn joǧaltpai, toqtamastan tek qana alǧa ūmtylu kerek ekenın ūmytpauy tiıs. Qandai jaǧdai bolmasyn, bar küş jıgerın jinap, alǧa ūmtylsa ǧana barlyǧyn jeŋıp, jüregınde de, jan-düniesınde de tynyştyq ornaitynyna, barlyǧy tek jaqsy bolatynyna senuı kerek. Osy senımdı adam boiyna ūialatu üşın bızdıŋ psiholog mamanymyz bır ai boiy marafon jürgızıp otyr. Būl däl qazırgı uaqytta qajet dep bılemız», - deidı filialdyŋ PR-menedjerı Jaŋyl Äpetova.
Adamnyŋ tūtynu qūraldarynyŋ damuy artqanymen, adam boiyndaǧy asyl qasietterdıŋ qūndylyǧy kemi tüsken myna zamanda, kün ūzaǧyna pendelık qym-quyt tırlıkpen arpalysqan adam, bır sät jabyrqau tartqan janyna ruhani quat ızdeidı. Sol sätte onyŋ jaǧdaiyn tüsınıp, kömek qolyn sozatyn adam psiholog qana. Psihologpen äŋgımelesu sanany sılkındırıp, tūnyq oilardyŋ tūma közderın aşary bügıngı künı däleldengen şyndyq. Būl mamandyq öte tözımdılıktı, şydamdylyqty, bılımdılık pen bılıktılıktı, meiırımdılık pen talap qoia bıludı kerek etedı desek, ūjymy psihology Dariǧa Eltaiqyzy Särsen osy üdeden şyǧa bılgen maman. Onyŋ ««Jüregıŋdı ızgılıkke üiret!» marafony barysynda ūiymdastyrǧan şaralary, talai adamnyŋ janyna ızgılık nūryn qūiyp, boiyna senımdılık ūialatty.
Qazan aiy boiy jalǧasyp jatqan marafon maqsaty – adamdardyŋ emosionaldy-qūndylyq salasyn damytu, adamdardyŋ qiyn psihologiialyq jaǧdaidaǧy äreketterıne dūrys baǧyt beru, emosionaldyq stressten arylu joldaryn körsetu, qoǧamdaǧy mınez-qūlyq normalaryn qalyptastyru jäne bır-bırımen qarym-qatynas jasau jäne mädeni mınez-qūlyqty tärbieleu. Qyzmetkerlerdıŋ ūjymda jūmys ıstei bılu qabıletın arttyru, özın-özı körsetu üşın jaǧdai jasau arqyly özın-özı tanu prosesıne yqpal etu.
«Jüregıŋdı ızgılıkke üiret!» ailyq-marafony barysynda «Qiyn psihologiialyq jaǧdaidaǧy qyzmetkerlerdıŋ äreketterı», «Temperament turaly tüsınık», «Stress kezeŋderı men belgılerı», «Emosionaldyq stress jäne odan arylu joldary» jäne t.b. taqyryptarda seminarlar, «Tūlǧanyŋ sabyrlylyǧyn baǧalau» taqyrybynda synaqtar jäne Hasai Älievtıŋ «Kılt» ädısı boiynşa jattyǧular keşenın onlain rejımde jürgızedı.
Jattyǧular men sabaqtar, qarapaiym, yŋǧaily jäne öte tiımdı. Olar stresspen küresuge, jan tynyştyǧyn tabuǧa ǧana emes, sonymen qatar problemalaryn şeşuge, stresstıŋ terıs energiiasyn joia otyryp, denenıŋ sauyǧuyna yqpal etedı. Qatysuşylarǧa tūlǧa boiyndaǧy qasietter jönınde, temperament tipterı men mınez türlerı turaly maǧlūmat berıp, alǧan bılımderın käsıptık qyzmet barysynda qoldana bıluge üiretedı.
«Mıne, bügın taǧy da jüzdegen jannyŋ rizalşylyǧyna bölendım. Käsıbi bılımımnıŋ arqasynda ainalama köterıŋkı köŋıl küi syilau, ärıptesterımnıŋ jaŋaşa qyrynan körınuıne qoldau körsetu, şyǧarmaşylyq oi-qiialdaryna şabyt beru, menıŋ kündelıktı jaqsy körıp ainalysatyn ısım. Būl degenıŋ keremet emes pe?! Olai deitınım, qazır men Azamattarǧa arnalǧan ükımettıŋ Almaty qalasy filialynda psiholog bola jürıp, ärbır kün saiyn kezdesetın qiynşylyqtarmen, problemalarmen betpe-bet kelıp, öz bılımımdı şyŋdau, ızdenu üstındemın. Adamdardyŋ riza jüzderın körgende eŋbegımnıŋ, jūmysymnyŋ janǧany dep bılemın», - deidı Dariǧa Eltaiqyzy.
«Men bır jūmbaq adammyn, ony da oila» – dep Ūly Abai atamyz aitqandai, ärbır tūlǧa jūmbaq. Sol jūmbaqtyŋ kıltın tauyp, jürek kıltın aşa bılu, ärbır jürektıŋ qūpiia syryn oqi bılu, ǧajaiyp tylsym syrlaryna boilai bılu – psiholog mamannyŋ bılımı men bılıktılıgıne bailanysty.
«Psihologtyŋ marafon barysynda bızdermen jürgızgen «Bala kezımdegı fotodan menı tap», «Menıŋ süiıktı filmderım», «Menıŋ otbasym» jäne t.b. taqyryptardaǧy onlain jattyǧulary bızderdı jaqyndastyra tüstı. Janymyzda jürgen jandardy jaqyn tani bastadyq. Bır-bırımız turaly köbırek bıle otyryp, bır-bırımızge qyzyqty bola bastadyq. Özara aşyq aralasudan qysylmaityn boldyq, jūmystan tys kezde qiyn körıngen ısterımızdıŋ ärıptesterımızben bırge jasaǧanda oŋaiyraq bolatynyn baiqadyq», - deidı HQO qyzmetkerı Aigül Tūrlybekova.
Almatydaǧy HQO psihology Dariǧa Särsennıŋ Zoom platformasynda onlain rejımde ötetın konferensiialaryna kez-kelgen adam qatysa alady.
Būl künderı «Izgı jürektı jandar» ailyq-marafonyna 3 myŋǧa juyq adam qatysyp ülgerdı.
«Mıne, bügın taǧy da jüzdegen jannyŋ rizalşylyǧyna bölendım. Käsıbi bılımımnıŋ arqasynda ainalama köterıŋkı köŋıl küi syilau, ärıptesterımnıŋ jaŋaşa qyrynan körınuıne qoldau körsetu, şyǧarmaşylyq oi-qiialdaryna şabyt beru, menıŋ kündelıktı jaqsy körıp ainalysatyn ısım. Būl degenıŋ keremet emes pe?! Olai deitınım, qazır men Azamattarǧa arnalǧan ükımettıŋ Almaty qalasy filialynda psiholog bola jürıp, ärbır kün saiyn kezdesetın qiynşylyqtarmen, problemalarmen betpe-bet kelıp, öz bılımımdı şyŋdau, ızdenu üstındemın. Adamdardyŋ riza jüzderın körgende eŋbegımnıŋ, jūmysymnyŋ janǧany dep bılemın», - deidı Dariǧa Eltaiqyzy.
«Men bır jūmbaq adammyn, ony da oila» – dep Ūly Abai atamyz aitqandai, ärbır tūlǧa jūmbaq. Sol jūmbaqtyŋ kıltın tauyp, jürek kıltın aşa bılu, ärbır jürektıŋ qūpiia syryn oqi bılu, ǧajaiyp tylsym syrlaryna boilai bılu – psiholog mamannyŋ bılımı men bılıktılıgıne bailanysty.
«Psihologtyŋ marafon barysynda bızdermen jürgızgen «Bala kezımdegı fotodan menı tap», «Menıŋ süiıktı filmderım», «Menıŋ otbasym» jäne t.b. taqyryptardaǧy onlain jattyǧulary bızderdı jaqyndastyra tüstı. Janymyzda jürgen jandardy jaqyn tani bastadyq. Bır-bırımız turaly köbırek bıle otyryp, bır-bırımızge qyzyqty bola bastadyq. Özara aşyq aralasudan qysylmaityn boldyq, jūmystan tys kezde qiyn körıngen ısterımızdıŋ ärıptesterımızben bırge jasaǧanda oŋaiyraq bolatynyn baiqadyq», - deidı HQO qyzmetkerı Aigül Tūrlybekova.
Almatydaǧy HQO psihology Dariǧa Särsennıŋ Zoom platformasynda onlain rejımde ötetın konferensiialaryna kez-kelgen adam qatysa alady.
Būl künderı «Izgı jürektı jandar» ailyq-marafonyna 3 myŋǧa juyq adam qatysyp ülgerdı.
Gülvira Asqar
"Adyrna" ūlttyq portaly
