Mekteptıŋ qūny – 1 teŋge

Soltüstık Qazaqstan oblysynda qarausyz, bos qalǧan mektepter auksionǧa şyǧarylyp, satylymǧa qoiylǧan. Būl turaly petropavlovsk.news saity habarlady dep jazady Baq.kz.

SQO Jambyl audany Ülgı auylyndaǧy mektep qūny - 3,7 mln teŋgege baǧalanǧan. Degenmen auksionnyŋ şarty boiynşa eŋ tömengı baǧasy – 1 teŋge. Ülgı auylynda mektepke baratyn bala joq. Būl auylda qazırgı kezde 18 adam tūrady. Osydan 10 jyl būryn 235 adam tūrǧan eken. Al auyldyŋ tynysy tarylmai, qainap tūrǧan uaqytta 400-dei adam tūrǧan. Auksion 10 qaraşaǧa belgılengen eken. Qūjat boiynşa mektep 1972 jyly salynǧan, aumaǧy 471 şarşy metrdı qūraidy. Ǧimarattyŋ jaǧdaiyna qarap, 3,7 mln teŋgege baǧalanǧan eken. Qaŋyrap qalǧan auylda eşkım bolmaǧandyqtan, mūndai baǧaǧa satyp aluşy bolmai tūr. Sarapşylar auksion şarty boiynşa sauda-sattyq tym tömendegen jaǧdaida, mekteptı bır teŋgege satyp aluǧa bolady deidı. Būǧan ūqsas jaǧdai Jambyl audany Rojdestvenka auylynda da bar. Mūnda aumaǧy 1264 şarşy metrdı qūraityn, 2 qabatty mektep auksionǧa qoiylǧan. Onyŋ smetalyq qūny - 9,4 mln teŋge, eŋ tömengı baǧa – 1 teŋge. Qazır būl auylda 13 adam tūrady. Ötken jyly 44 adam tūrǧan eken. 20 jyl būryn 372 tūrǧyny bar auyl bolǧan. Ary qarai tızım boiynşa, Aqbalyq auylyndaǧy ekı qabytty mektep. Aumaǧy 562 şarşy metr. Bastapqy baǧa - 1,7 mln teŋge. Eŋ tömengı baǧa – «kök tiyn». Auksion 10 qaraşa künı ötedı dep josparlanǧan. 2018 jyly būl auyl taratylyp jıberılgen (joiylǧan). Osydan 20 jyl būryn 260 tūrǧyny bar qainaǧan auyl bolǧan. Esıl audany Novouzenko auylynda aumaǧy 3327 şarşy metrdı qūraityn 3 qabatty mektep satylymǧa şyǧarylǧan. Qūny - 27,2 mln teŋge, eŋ tömengı qūny  - 1 teŋge. Mektep 1983 jyly salynǧan, ol kezde auylda 950 adam tūrǧan. Qazır auylda 30 adam tūrady. Eŋ basty problemalardyŋ bırı – auyz sudyŋ bolmauy. Auyl tūrǧandary sudy körşı auyldan tasyp ışedı. Statistika komitetınıŋ mälımetterı boiynşa, soŋǧy onjyldyqta Soltüstık Qazaqstan oblysynda mektepterdıŋ jalpy sany 127-ge azaiǧan. Al bastauyş jäne orta mektepterdegı oquşylardyŋ jalpy sany segız myŋ adamǧa tömendegen. Jalpy alǧanda, soŋǧy 20 jylda Soltüstık Qazaqstan oblysynda 302 mektep jabyldy (478 qaldy). Al oquşylar sany 135,2 myŋnan 78 myŋǧa deiın azaidy. Foto derekközden alyndy.