Şymkent qalasynda «Eŋbek» memlekettık baǧdarlamasynyŋ ekınşı baǧyty - jappai käsıpkerlıktı damytu boiynşa biyl jalpy 6 819 adamdy qamtamasyz etu josparlandy. Bügınde naqty 4 816 adamǧa qoldau körsetıldı.
Onyŋ ışınde, 1 850 adamdy «Bastau Biznes» jobasy boiynşa käsıpkerlık negızderge oqytu közdelgen bolatyn. 9 aidyŋ nätijesınde bırınşı aǧymmen 2 820 adam oquǧa joldanyp, jospar artyǧymen oryndalyp otyr.
Sonymen qatar, 55 adamǧa şaǧyn nesie beru josparlanyp, auyl şaruaşylyǧy qarjylai qoldau qorymen kelısımşart tüzılıp 67 adamǧa şaǧyn nesie berılgen. Būl da jospardyŋ asyra oryndalǧanyn, iaǧni 121,8 paiyzdy körsetıp otyr. Sondai-aq, 1 929 adamǧa 200 AEK kölemınde memlekettık grant berılgen.
Şymkent qalasy äkımınıŋ baspasöz qyzmetı
