Qostanaida kärızde 3 jyl jatqan mäiıt tabyldy, dep habarlaidy «Adyrna» ūlttyq portaly IIM baspasöz qyzmetıne sılteme jasap.
12 qazanda Qostanai qalasynyŋ PB kezekşı bölımıne jeke üidıŋ ielerı habarlasyp, septikten adamnyŋ qaŋqasyn tapqanyn aitqan. Erlı-zaiyptylar jaǧymsyz iıstı sezıp, kərızdı tazartpaq bolǧan. Alaida kütpegen jaǧdaiǧa tap bolyp, tez arada polisiiaǧa habar bergen.
Atalǧan derek QR QK 99-baby 1-bölıgı “kısı öltıru” boiynşa SDTBT-de tırkeldı.
Tūrǧyndardyŋ aituynşa, septik üidıŋ aulasynyŋ syrtynda, qorşalmaǧan aumaqta ornalasqan. Betı temırmen jabylǧan, bıraq qūlyppen bekıtılmeidı.
“Bırınşı kezekte bız bıreu qylmys jasap, denenı osy kärızge tastap ketken degen nūsqany qarastyrdyq”, – dep atap öttı Qostanai qalasynyŋ PB kriminaldyq polisiia bölımınıŋ bastyǧy Erbol Qarymsaqov.Keiınırek būl nūsqa qarastyrylmady. Sebebı, liuk böten adam ony baiqai almaityn jerde ornalasqan. Mūny eskergen poliseiler kısı öltırılgen uaqytta osy aimaqta bolǧan küdıktılerdı ızdestırudı bastady. Sonymen qatar, jedel uäkılder məiıttıŋ jeke basyn anyqtau jūmystaryn jürgızdı. Tərtıp saqşylary ız-tüzsız joǧalǧandardyŋ tızımın tekserdı. Olardyŋ nazaryna 2017 jyldyŋ qaraşasynan berı habar-oşarsyz joǧalyp ketken qala tūrǧynynyŋ ızdestıru ısı ılıktı. Tabylǧan məiıttegı kiım qaldyqtary da er adamnyŋ joǧalǧandaǧy sipattamasyna säikes keldı. Jedel-ızdestıru ıs-şaralary barysynda polisiia qyzmetkerlerı erlı-zaiyptylardyŋ üş jyl būryn örtten keiın üidı qalpyna keltıru üşın jūmysşylardy jaldaǧanyn anyqtady. Poliseiler atalmyş üidı jöndeuge qatysqan jūmysşylardy, küdıktılerdı qūryqtady. Qazırgı uaqytta olar qamauda. Tergeu amaldary jürgızılude.
«Adyrna» ūlttyq portaly
