Şymkent qalasynyŋ barlyq audan aumaqtarynda qysqy jylytu mausymynda qauıpsızdık şaralaryn saqtau boiynşa aqparattyq-tüsındırme jūmystary jalǧasyn tabuda.
Osy maqsatta Äl-Farabi audanynda gazdan ulanudyŋ aldyn alu jönınde audan tūrǧyndaryna kezektı tüsındırme jūmystary jürgızıldı.
Audan äkımdıgı tarapynan äleumettık tūrmysy tömen otbasylardyŋ üilerıne «Gazosignalizator» qūrylǧysyn ornatu jūmystary jürgızıldı. Biyl audanda demeuşıler tarapynan 137 üige atalǧan qūrylǧy ornatylǧan. Tötenşe jaǧdailar departamentı mamandarynyŋ aituynşa, dabyl qaqqyş qūrylǧy gazdan ulanudyŋ aldyn alady.
Qalada jalpy 300-ge juyq üige gazosignalizator qūrylǧysy ornatyldy.
Mamandar qala tūrǧyndaryna gaz qazandyqtary men jylytu peşterın paidalanu kezınde qauıpsızdık şaralaryna jıtı män berudı eskertedı.
Şymkent qalasy äkımınıŋ baspasöz qyzmetı
