Baǧdat Qojahmetovtı qyzmetınen Toqaev ketırdı me?

«Memleket basşysy Qasym-Jomart Toqaevtyŋ qazaqşasyna köŋılım tolmaidy» dep synaǧan Baǧdat Qodjahmetov Densaulyq saqtau ministrlıgınıŋ resmi ökılı qyzmetınen kettı dep habarlaidy «Adyrna» ūlttyq portaly kznews.kz saityna sılteme jasap. Densaulyq saqtau ministrlıgı korrespondentımızdıŋ resmi sūrauyna jauap retınde Qojahmetovpen kelısımşart būzylǧanyn habarlady. «Taraptardyŋ kelısımı boiynşa 2020 jyly 29 qazanda kelısımşart būzyldy. Sonymen qatar, ministrlıkte B. Qojahmetovtyŋ aldaǧy jūmys orny turaly mälımet joq ekenın habarlaimyz», – dep jazdy vedomstvo ökılderı. Qojahmetov telefon arqyly bergen sūhbatynda özınıŋ ketuın «missiiasyn oryndaǧanymen» tüsındırdı. Endı ol bizneske köbırek uaqyt bölgısı keledı. «Men erıktı türde kömektestım. Därıgerler menı üş ret ölımnen qūtqardy. Koronavirus jūqtyryp, sauyqannan keiın aq halatty abzal jandarǧa alǧys retınde olarǧa kommunikasiia retteuge kömektesu paryzym dep şeştım. Media ortalyq qūryp, jaqsy baspasöz hatşysyn tabuǧa kömektestık, bız jüienı retke keltırdık. Qazır bärı jūmys ıstep tūr, iaǧni menıŋ funksiiam oryndaldy. Menıŋ öz biznes-jobalarym bar, olarǧa köbırek köŋıl böluım kerek», – dedı Baǧdat Qojahmetov. Ol qyzmetınen vedomstvomen janjalǧa bailanysty kettı degen qauesettı de joqqa şyǧardy. «Qandai dau boluy mümkın? Olar riza, barlyǧy baqytty», – dedı ol. Baǧdat Qojahmetov Densaulyq saqtau ministrlıgınıŋ resmi ökılı bolyp biyl şıldede taǧaiyndalǧan bolatyn. Ol brifingterde söz söilep, jurnalisterdıŋ sūraqtaryna jauap berıp jürdı. Baǧdat Qojahmetov mediadaǧy karerasyn 1991 jyly bastaǧan, teledidarda diktor bolǧan. Ol köp jyldar boiy ırı ūiymdardyŋ PR bölımınde jūmys ıstegen, IIM resmi ökılı de bolǧan. Ol «31 arnany» jetı jyl basqarǧan. Al direktor qyzmetınen 2018 jyly ketken.