Şymkent qalasynda «Nätijelı jūmyspen qamtudy jäne jappai käsıpkerlıktı damytudyŋ 2017-2021 jyldarǧa arnalǧan «Eŋbek» memlekettık baǧdarlamasynyŋ» ekınşı baǧyty aiasynda, iaǧni eŋbek naryǧynda sūranysqa ie mamandyqtarǧa azamattardy qysqa merzımdı käsıptık oqytuǧa joldau boiynşa tyndyrymdy tırlıkter atqaryldy.
Osy jyly qalalyq bılım, jūmyspen qamtu jäne äleumettık qorǧau basqarmalarymen jäne «Atameken» käsıpkerlık palatasymen bırlesıp qala aumaǧyndaǧy käsıporyndardan ötınımder jinaqtalǧan bolatyn.
Nätijesınde, eŋbek naryǧynda sūranysqa ie 21 mamandyqtyŋ (avtokölık jöndeu slearı, aǧaş jäne jihaz öndırısınıŋ şeberı, arnaiy tıgınşı, aspaz, dänekerleuşı, slesar-santehnik, pışuşı, konditer, dizainer, elektr gazymen dänekerleuşı jäne t.b.) jäne käsıptık bılım beretın 32 bılım beru mekemesınıŋ tızımı jasalyndy.
Qazırgı taŋda olarda jospardaǧy 2000 adamnyŋ 1990-y oquyn tämamdap, tiıstı kuälıkterın aldy. Al, 10 adam türlı sebeptermen oqudy jalǧastyra almaǧan.
Şymkent qalasy äkımınıŋ baspasöz qyzmetı
