Şymkent qalasynyŋ äkımı Mūrat Äitenov Eŋbekşı audany Eltai eldı mekenınde oryn alǧan tötenşe jaǧdailardyŋ boldyrmau maqsatynda jürgızılıp jatqan qūrylystyŋ barysymen tanysty.
Bügınde tasqyn sudyŋ aldyn alu boiynşa eldı meken şetındegı sailarǧa, iaǧni, qaupı joǧary degen on jerge böget ornatyluda. Olardyŋ kölemı 20h8, 25h10 jäne 30h10. Su jinaǧyştarynyŋ jalpy syiymdylyǧy 200 myŋ m3 qūraidy. Merdıger mekeme «Otar-qūrylys» JŞS-gı. Qūrylys mekemesı jūmystardy jeltoqsan aiynda aiaqtaudy josparlap otyr.
Sonymen qatar, mūnda auyldyŋ ortasynan ötetın tereŋdıgı 1,5 metrdı qūraityn aryqty tazalau jūmystary jürgızılse, jaiau jürgınşılerge arnalǧan doŋǧalaq betondy köpırdıŋ qūrylys jūmystary aiaqtaluǧa jaqyn. Köpırdıŋ ūzyndyǧy 9 metr, jalpy kölemı 100 metr.
Mūrat Äitenov jūmystyŋ sapasyna basa män berudı aityp, su tasqynynyŋ aldyn alu boiynşa salalyq basqarmalar men audan äkımderıne bırqatar naqty tapsyrma berdı.
Şymkent qalasy äkımınıŋ baspasöz qyzmetı
