Şymkent qalasyna - 2018 jyly Elbasy Jarlyǧymen respublikalyq maŋyzy bar qala statusy berılgen bolatyn. Būl tarihi şeşım qalamyzdyŋ ortalyq Aziiadaǧy ırı megapolistermen terezesın teŋ alyp jüruge jol aşty, ekonomikalyq derbestık berdı.
Qalamyzdyŋ 2050 jylǧa deiıngı damu Strategiiasy, 2023 jylǧa deiıngı Keşendı damu jospary äzırlenıp, bekıtıldı. Ekı jylda qalada köptegen oŋ özgerıster bolyp, äleumettık-ekonomikalyq körsetkışter jaqsardy.
Mäselen, qalanyŋ damu parametrlerıne qaraityn bolsaq, ötken ekı jylda ekonomikanyŋ ösım dinamikasyn baiqauǧa bolady.
Atap aitqanda, önerkäsıp öndırısı 1,3 esege, auylşaruaşylyq önım kölemı 1,2 esege, käsıpkerlık subektılerınıŋ sany 15 myŋǧa, olarmen öndırılgen önım 1,5 esege artqan. Sonymen qatar, osy jyldar ışınde qalaǧa 782 mlrd.teŋgeden astam investisiia tartyldy, 1 million şarşy metrge juyq tūrǧyn üi salyndy.
Ortalyqtandyrylǧan auyz sumen qamtu körsetkışı 93 paiyzdan 94,7 paiyzǧa, balabaqşamen qamtu körsetkışı 94,3 paiyzdan 100 paiyzǧa jettı.
İndustrialdy-innovasiialyq damu baǧdarlamasy aiasynda 2 jylda 18 käsıporyn aşylyp, 1 myŋnan astam adam tūraqty jūmyspen qamtyldy.
Būdan bölek, megapolistıŋ biudjetı artyp, biylǧy jyly qala biudjetı 452,5 mlrd. teŋgeden asyp otyr, onyŋ 47 paiyzy äleumettık salaǧa baǧyttalǧan.
Şymkent qalasy äkımınıŋ baspasöz qyzmetı
