Orystildi demokrattar op-ońaı birigip, mıtıng ótkizip jatyr. Al qazaqtildi ultshyldar bir jerde jınalsa, bir-birimen tóbelesip qalýy ábden múmkin. Bılikke tipti provokaııa jasaý da qajet emes. Solaı ǵoı?
Ultshyldardyń ujymynyń ishinde bir-birine degen jaqtarmaýshylyq endi ǵajap. Mynaý satqyn, anaý agent, mynaý bundaı, anaý anandaı. Nátıjesinde birde-bir ortaq maqsatqa jete almaı otyrmyz. Bul túrimizben jerden de aıyrylyp qalýymyz qıyn emes.
Meniń usynysym – ultshylmyn dep júrgenderdi ýaqytsha bolsa da eki naqty ortaq maqsatqa biriktirý. Odan keıin qaıta bir-birimizdi jaqtarmaı júrsek te bolady.
1. Jer máselesin aıaǵyna deıin jetkizip, jańa Jer kodeksin qabyldatýymyz qajet.
2. Marǵulan Boranbaıdy bárimiz bir judyryqtaı jumylyp qorǵap shyǵýymyz qajet. Bul jigit otyryp ketse bárimizge syn bolady.
Jınalys ótkizip, bir-birimizdiń kózimizge qarap, bul eki naqty máselege kelisip alýymyz kerek! Qalaı oılaısyzdar?
