Şymkent qalasynda jaŋadan aşylǧan jastar densaulyq ortalyǧynyŋ tanystyrylymy öttı. №13 qalalyq emhana bazasynda ornalasqan ortalyqta ginekolog, urolog, psiholog, äleumettık qyzmetker syndy mamandar jūmys ısteidı. Būl turaly densaulyq saqtau basqarmasy habarlady.
Bügın atalǧan emhananyŋ mamandary qala jastary men BAQ ökılderıne ortalyqtyŋ jūmysymen tanystyrdy.
Mūnda 10-19 jas aralyǧyndaǧy jastarǧa tolyqtai tegın qyzmet körsetıletın boldy.
Mamandar ortalyqqa keluşılerdıŋ jas erekşelıkterın eskere otyryp, olarǧa keşendı medisinalyq, psihologiialyq, äleumettık jaǧynan kömek körsetedı. Onyŋ ışınde, otbasyn josparlau, maskünemdık pen naşaqorlyqtyŋ, AİTV infeksiiasynyŋ, strestı jäne qūlazu jaǧdailarynyŋ, qatygezdık pen zorlyq-zombylyqtyŋ aldyn alu jūmystary jürgızıledı jäne qūqyqtyq keŋester berıledı. Sonymen bırge, bastapqy medisinalyq-sanitarlyq kömek, diagnostikalyq-keŋes medisinalyq kömegı de körsetıledı.
«Jastar arasynda olardyŋ densaulyǧyna jauapkerşılıkpen qaraudy qalyptastyru bızdıŋ basty maqsatymyz bolyp tabylady, bız ony jastar densaulyq ortalyǧyna engızıp, nasihattap jatyrmyz. Jas ūrpaqtardyŋ jynystyq qatynas mäselesıne bılımdı ärı qauıpsız täsılmen qarauy jynystyq jolmen berıletın infeksiialardyŋ qaupın azaitady. Būl da ortalyqtyŋ basty mındetterınıŋ bırı. |Jastar densaulyq ortylyǧy jastar arasynda tanymal bolyp keledı jäne bız jūmystyŋ tiımdılıgın körıp otyrmyz», – deidı №13 qalalyq emhananyŋ bas därıgerı Moldybaeva Äliia.
Şymkent qalasy äkımınıŋ baspasöz qyzmetı
