Şymkent qalasy äkımınıŋ bırınşı orynbasary Şyŋǧys Mūqan «HR-Process» bılım salasynyŋ kadrlaryn ırıkteudıŋ avtomattandyrylǧan aqparattyq-taldau jüiesı arqyly jūmysqa ornalasqan pedagogtarmen kezdestı. Kezdesuge qalalyq bılım basqarmasy basşysy Janat Täjieva, bılım beru ūiymdary basşylaryn taǧaiyndau satysynda basşylyq etetın komissiia qūramy, bırqatar mektep direktorlary men atalǧan jüie arqyly jūmysqa ornalasqan ūstazdar qatysty.
Onda qala äkımınıŋ bırınşı orynbasary bılım beru ūiymdarynyŋ bırınşı basşylaryn taǧaiyndauda da meilınşe aşyqtyqty qamtamasyz etıp, qoǧam aldynda būl prosess ülken senımge ie boluy qajettıgın aitty. Sondai-aq, avtomattandyrylǧan aqparattyq-taldau jüiesın odan ärı damytu men oryn alǧan kemşılıkter jönınde söz qozǧady.
«Kadrlardy ırıkteudıŋ aşyq jäne obektivtı jüiesı – bılım salasyna üzdık mamandardy tartudyŋ kepılı bolady. Mıne, 2 aiǧa juyq uaqyttaǧy qalyptasqan oŋ pıkır osy jūmysymyzdyŋ jemıstı bolǧanyn körsetıp otyr. Qala äkımınıŋ tapsyrmasyna orai endıgı kezekte kolledjder men mektepke deiıngı bılım beru mekemelerın jüiege qosu jäne keler jyldan bastap pedagogtardy attestattau jüiesın avtomattandyru qajet» - dedı Şyŋǧys Mūqan.
Baǧdarlama arqyly jūmysqa ornalasqandardyŋ bırı – Gülnūr Süleimen. Ol Qazaq memlekettık qyzdar universitetınıŋ qyzyl diplom iegerı. Qytaidyŋ Şanhai qalasyndaǧy IS-China universitetınıŋ tülegı. Magistraturany üzdık diplommen bıtırgen. Gülnūr Myrzabaiqyzy «HR-Process» jüiesı arqyly bos oryndarǧa ötınım berıp, konkurs nätijesınde №132 jalpy orta mektebınıŋ aǧylşyn pänı mūǧalımı bolyp jūmysqa ornalasqan.
Aita keteiık, tamyzdan bastap ıske qosylǧan jüiede jariialanǧan bos jūmys oryndarǧa ümıtkerler tarapynan 2470 ötınım kelıp tüsken. Bügıngı künı 460 bos jūmys ornynyŋ barlyǧyna komissiianyŋ otyrysy ötkızıldı. Komissiia otyrysynda 665 ümıtkerdıŋ 2328 ötınışı qaraldy (bır ümıtker ärtürlı mektepterge bırneşe ötınım bere alady). 665 ümıtkerdıŋ ışınen 313 ümıtker konkurs nätijelerı boiynşa jeŋımpaz bolyp tabyldy jäne tiısınşe mektep direktorlaryna bos orynǧa ūsynyldy. Jeŋımpazdardyŋ jas erekşelıkterıne toqtalar bolsaq, 25 jasqa deiıngı – 145, 25-45 jas aralyǧy - 137, 45 jastan joǧary - 31 ümıtker bolǧan.
Şymkent qalasy äkımınıŋ baspasöz qyzmetı
