Şymkent qalasynda «Sifrly Qazaqstan» memlekettık baǧdarlamasyn ıske asyru aiasynda qoǧamdyq kölıkterde «TÖLEM» elektrondyq tölemaky jüiesı ıske qosyldy. Elektrondyq tölemaqy jüiesınıŋ tanystyrylymyna qala äkımı Mūrat Äitenov qatysty.
Jüienı engızudıŋ maqsaty - sifrlyq şeşımder men qolma-qol aqşasyz tölemderdı engızu, qoǧamdyq kölıktıŋ qyzmetın jaqsartu jäne jolauşylarǧa qolaily jaǧdai jasau, qalalyq biudjetke tüsımderdı arttyru.
Atalǧan jüie arqyly jolauşylar aǧynynyŋ statistikalyq esebın jürgızuge jäne naqty derekter arqyly äleumettık mänı bar marşruttardy subsidiialauǧa mümkındık tuady.
Joba jeke investor «QazSmartTrans» JŞS-ı esebınen ıske asyryldy. İnvestisiianyŋ kölemı 1,2 mlrd. teŋgenı qūrady.
Qoǧamdyq kölıkte jol jüru aqysyn töleu üşın tölem kartalarynyŋ 4 türı qarastyrylǧan – standarttyq (jalpy paidalanuǧa), mektep oquşylarynyŋ, studenttık jäne jeŋıldetılgen kartalar.
Jolauşylar kölık kartasymen, SMS, QR-kod, smartfondy (NFC) qoldana otyryp jol jüru aqysyn tölei alady. 1 qaraşadan bastap kölık kartalary arqyly qolma-qol töleu kezınde qazırgı qoldanatyn tarifpen 70 teŋge töleidı, al qolma-qol aqşamen töleu kezınde tarif 100 teŋge bolady.
Kölık kartasynyŋ baǧasy 500 teŋge, bır ret tegın jol jüru aqysy berıledı.
«QazSmartTrans» JŞS-gı tarapynan 14 myŋ kölık kartasy Ūly Otan soǧysy ardagerlerı men mügedekterıne, tyl eŋbekkerlerıne (Eren eŋbegı üşın medalımen marapattalǧandar), Batyr ana, Altyn alqa, Kümıs alqa tös belgı ielerıne jäne I - toptaǧy köru qabıletı naşar jandarǧa tegın taratylady.
Jeŋıldıkpen jüretın azamattarǧa kartalardy tegın taratu maqsatynda Şymkent qalasynyŋ äleumettık qorǧau jäne jūmyspen qamtu basqarmasy men qaladaǧy barlyq halyqqa qyzmet körsetu ortalyqtarynan arnaiy oryndar ūiymdastyrylǧan. Atalǧan oryndarda jeŋıldık kartany alu üşın azamattardan qajettı mälımetter qabyldanyp, bazaǧa engızıledı. Jalpy qalada 220 myŋ mektep oquşysy, 80 myŋ student, 14 myŋ jeŋıldık berılgen tūrǧyn bar.
Bügıngı taŋda investor tarapynan kölık kompaniialarymen kelısımşart jasalyp, avtobustarǧa validatorlar ornatyldy.
Sonymen qatar, smartfon paidalanuşylaryna arnalǧan «Open Shymkent» mobildık qosymşasy äzırlengen. Qosymşa arqyly qoldanuşy özınıŋ kartasynyŋ teŋgerımın teksere alady. Sondai-aq, teŋgerımın toltyrumen qatar jol jüru tarihyn da köruıne bolady.
Odan özge qala tūrǧyndary «Open Shymkent» qosymşasy arqyly basqa da qalalyq äkımdıkpen körsetıletın qyzmet türlerın ala alady.
Tūrǧyndarǧa anyqtamalyq retınde 8 775 811 2222 bıryŋǧai bailanys CALL-ortalyǧy ıske qosylǧan.
Aita ketu kerek, «TÖLEM» kartalaryn qaladaǧy sauda üilerınen jäne dükenderden aluǧa bolady.
Şymkent qalasy äkımdıgınıŋ baspasöz qyzmetı
