Maira Iliiasova Qazaqstan halqyn karantin şaralaryn saqtauǧa şaqyrdy

Qazaqstannyŋ eŋbek sıŋırgen ärtısı Maira Iliiasov Qazaqstan halqyn karantin şaralaryn saqtauǧa şaqyrdy, dep habarlaidy QazAqparat tılşısı. «Qymbatty aǧaiyn, Qazaqstan halqy! Qazırgı kezde koronavirustyŋ örşuıne bailanysty karantin şaralary qataŋdatylǧanymen, tūrǧyndarymyzdyŋ qauıpsızdıktı saqtamauy saldarynan adam ömırıne qauıptı jaǧdailar jiı kezdesıp jatyr. Bügınde Şyǧys Qazaqstan, Soltüstık Qazaqstan oblystarynda koronaviruspen auyrǧan adam sany köptep anyqtalyp jatyr. Sondyqtan sızderden karantin şaralaryn saqtaularyŋyzdy ötınıp sūraimyz. Maska kiıp, qoldy jiı juyp tūru kerek. Qoldy sabynmen 30-40 sekund jaqsylap jusa da artyq etpeidı. Özderıŋızben bırge ünemı sanitaizer alyp jürıŋızder. Onymen qoldy ünemı tazalap otyrǧan jön. Mümkındıgıne adamdar köp jinalatyn jerge barmaǧan abzal. Toi-tomalaq jasaudy da doǧary tūrǧanymyz dūrys bolar edı», - dedı «Qūrmet», «Parasat» ordenderınıŋ iegerı. Sonymen qatar QR Eŋbek sıŋırgen ärtısı aǧaiyn-tuysymyzǧa, balalarymyzǧa, jastarymyzǧa koronavirus qaupın tüsındırıp otyruymyz kerektıgın basa aitady. «Bız sızdermen bırgemız. Öner adamdary özderıŋızdı jaqsy köredı. Elımız aman, jūrtymyz tynyş bolsyn! Amandyqta jolyǧaiyq, aman bolyŋyzdar!», - deidı Maira Iliiasova.