Jūrt koronavirustan saqtanudyŋ joldaryn tappai, bas qatyryp jürgende, astanalyq bır mektepte hellouindı dürkıretıp toilatyp jatyr eken. Būl turaly tanymal jurnalist Rişat ASQARBEKŪLY öz paraqşasynda jazdy dep habarlaidy «Adyrna» ūlttyq portaly.
«Balany mektepke jıbere almai qinalyp jürmız. Elımızdıŋ qaq törındegı mektepterdıŋ bırınde Hellouindı dürkıretıp toilapty. Bılım oşaǧyndaǧy mūndai jyn-oinaqty toqtatu kerek. Pandemiiada qazaq toi jasasa, ökırtıp tūryp aiyppūl salynady. Menıŋşe būl da nazar audaratyn jaǧdai» dep dabyl qaqty R.Asqarbekūly.
«Oda tūrǧan ne bar deitın şyǧar keibıreuler. Bıraq balabaqşalarda, mektepterde Helllouin nemese basqa da bızdıŋ ūltymyzǧa, elımızge, salt-dästürımızge qaişy, böten merekelerdı toilaudy doǧaru kerek dep sanaimyn. Būl merekeden balalarymyzdyŋ bolaşaǧyna nūr bolatyn eşqandai bır jaryq säule körmedım. 1-2 ai şydasaŋyzdar orystardyŋ Jaŋa jyl merekesı keledı. Ol jerde de qiialǧa erık berıp neşe türlı obrazdarǧa oranuǧa bolady... Al, taǧy säl şydasaŋyzdar özımızdıŋ ūlttyq merekemız Nauryz keledı. Vot, sol merekemızdı jaqsylap atap ötsek bolar edı. Al, ananyŋ da, mynanyŋ da qaŋsyǧyn taŋsyq köru... Keide bız älı özımızdı taba almai, adasyp jürgen ūlt siiaqty bop ketemız. Älde sondaimyz... bılmeimın» dep jazdy osy mäselege qatysty belgılı jurnalist Ashat SADYRBAI.
Keşe keşkısın Şymkentte jürgen türkiialyq azamat Mehmet Iylmaz dosymyz habarlasyp: «Nege adamdar köşede bırtürlı maskalar kiıp, tüsınıksız jaǧdaida jür?» -dep sūrap, taŋyrqaǧan edı. Onyŋ taŋdanysyn bızdıŋ jauabymyz tıptı küşeittı. «Amerika jaqta jyl saiyn toilanatyn hellouin degen mereke bar eken. Bızdıkıler de sol merekege özınşe «üles qosuda» -degen jauabymyzǧa ışegın tartqan türık bauyrymyz: «Qazaq bauyrlarymyz öz merekelerın osylai nege toilamaidy? Jyl saiyn qaraşa aiynan aqpan aiyna deiın Qazaqstanda jūmys babymen jüremın. Ökınışke qarai, qaraşa aiynan bastap, şyrşalar bezendırılıp, ǧimarattar sändele bastaidy. Al qazaqtyŋ eŋ maŋyzdy, erekşe merekesı sanaluǧa tiıs Täuelsızdık künınde älgındei dumandatyp, köşede merekelık köŋılde jürgen pendenı tappaisyz. Özınıŋ töl merekesı joq halyq siiaqty äldekımnıŋ tükke tūrǧysyz, mänsız merekesın toilau ne üşın kerek sızderge?» dedı. Būl sūraqqa berer mardymdy jauapty tappai, közben jer şūqyp qala berdık. İä, orystyŋ jaŋa jylyn da dumandatyp qarsy alatyn bızdıŋ halyq öz merekesınde nege ekenı belgısız, ınıne kırgen suyrdyŋ kebın kietını jasyryn emes.
Bylai qarasaŋyz, alyp bara jatqan problema emes siiaqty. Alaida elımızdıŋ qaq törınde, pandemiia kezınde jyn, perınıŋ kiımın kiıp dumandatatyn uaqyt pa qazır? Al bärınen de būl «merekenı» balalarǧa toilatu qiianat emes pe? Bala ülkennıŋ aitqanyn oryndauşy ǧana. Olai bolsa, balany şaitannyŋ kiımın kigızıp, mereke toilattyrǧan ülken adam jauapqa tartyluy kerek siiaqty. Bügın hellouin dep dalaqtap şyqsaq, erteŋ onda ūltymyzdy ūmytyp, jalaŋaş köşede de bilermız?!
Bılım salasyna qarasty mekemeler karantin kezınde mynadai soraqylyqqa jol bergen mektep pen dumandy ūiymdastyrǧan müǧalımdı de sūraqqa alyp, tezge salady dep senemız.
Meruert HUSAİNOVA,
«Adyrna» ūlttyq portaly.
Foto aşyq derekközden alyndy.
