Lukaşenko rejimınıŋ äreketın qūptady

Jenevada ornalasqan BŪŪ Adam qūqyǧy jönındegı keŋesı Belarus bilıgınıŋ "adam qūqyǧyn qorǧau boiynşa atqarǧan ısterın" qūptady dep habarlaidy «Adyrna» ūlttyq portaly Azattyqqa sılteme jasap. 2 qaraşada Belarus delegasiiasy keŋes müşelerıne Belarustaǧy adam qūqyǧy boiynşa atqarylǧan şarualar jaily periodikalyq esebın tanystyrǧan. Keŋeske müşe elderdıŋ barlyǧy bes jyl saiyn osyndai esep berıp otyruǧa mındettı. Talqylau kezınde UN Watch ükımettık emes qūqyq qorǧau ūiymy baiandama jasady. 1993 jyly qūrylǧan ūiym BŪŪ şeşımderınıŋ Jarǧyǧa säikestıgın, tiımdılıgın tekseredı. UN Watch mälımetınşe, Adam qūqyǧy jönındegı keŋeske müşe 92 eldıŋ 51-ı (55 paiyzy) Belarustyŋ "adam qūqyǧy salasynda jetken jetıstıkterın" qoldaǧan. Lukaşenko rejimınıŋ äreketın qoldaǧandar arasynda repressivtı rejimderdı ünemı demep, qoldap otyratyn 36 memleket bar. Būǧan qosa, 15 memleket Belarus bilıgınıŋ keibır jetıstıkterıne oŋ baǧa beruge bolady dep sanaǧan. "Lukaşenko rejimı prezident sailauynyŋ resmi qorytyndysymen kelıspeitın azamattardyŋ narazylyǧyn küşpen basyp, köşede äielderdı ūryp-soǧyp, oppozisiia jetekşılerın türmege qamap, elden ketıruge mäjbürlep otyrǧan şaqta BŪŪ-nyŋ negızgı qūqyq qorǧau organy qanauşylardy ötırık maqtaityn forumǧa ainalmauy tiıs" dedı UN Watch täuelsız qūqyq qorǧau ūiymynyŋ atqaruşy direktory Hilel Noier. Degenmen ol 41 memlekettıŋ qysqa söilep şyǧu qūqyǧyn paidalanyp, Belarustaǧy adam qūqyǧy jaǧdaiyna şynaiy baǧa beruın qūptady.