Şymkentte tūrǧyndardy därı-därmekpen jäne medisinalyq būiymdarmen qamtamasyz etu mäselesı şeşımın tapty. Bügın Şymkent qalasynyŋ äkımı Mūrat Äitenov onlain formatta ötken Ükımet otyrysynda därı-därmekter jäne medisinalyq būiymdarmen qamtamasyz etu boiynşa atqarylǧan jūmystardan habardar ettı.
Bügınde jalpy somasy 7,21 mlrd. teŋgenı qūraityn därı-därmekter men medisinalyq būiymdardy jetkızuge kelısımşarttar jasalǧan. Bıryŋǧai distribiutormen 6,2 mlrd. teŋge kölemınde därı-därmekter jäne medisinalyq maqsattaǧy būiymdar jetkızıldı.
Bügıngı taŋda medisinalyq ūiymdarda COVID-19 ındetıne qarsy ekı ailyq därılık zattar jäne medisinalyq būiymdar qory qalyptasty. Atap aitqanda, 2,1 mlrd. teŋgege därılık zattar; 90 645 jeke qorǧanu qūraldary jiyntyǧy; 3 219 121 dana medisinalyq betperde jäne 864 499 dana medisinalyq qolǧap alyndy.
Qaladaǧy därıhanalar, därı-därmekter qory men bölşek sauda baǧalaryna säikestıgıne qarai monitoring jūmystary jürgızılude. Qazırgı taŋda qala därıhanalarynda 1,7 mlrd.teŋge kölemınde COVID-19 ındetın emdeuge arnalǧan därı-därmek qory bar. Odan bölek, 6,3 mln. medisinalyq betperde qory qūrylǧan. Qalada ornalasqan 2 öndıruşınıŋ öndırıstık quaty täulıgıne – 200 000 betperde.
Materialdyq-tehnikalyq jabdyqtau boiynşa qalaǧa qosymşa 282 İVL alynyp, İVL sany 612 bırlıkke jettı (156 – DM, 126 – JB, 20 – demeuşıler). Jaŋadan 121 jedel järdem avtokölıgı jetkızıldı.
Qoryta aitsaq, qalada medisina mekemelerı därı-därmek qūraldarymen jäne medisinalyq būiymdarmen tolyq qamtamasyz etıldı.
Sonymen qatar, qala tūrǧyndaryna Covid19shymkent.kz saity ıske qosyldy. Onda är tūrǧyn qala därıhanalarynda därı-därmekterdıŋ qol jetımdılıgı turaly aqparat alu mümkındıgı bar.
Şymkent qalasynyŋ Aqparattyq-kommunikasiialyq ortalyǧy
