Bügın qala äkımı Mūrat Äitenovke 9 aidyŋ qorytyndysy boiynşa Abai audanynyŋ äkımı Būharbai Parmanov esep berdı.
Eseptı kezdesuge qala äkımınıŋ orynbasarlary, basqarma basşylary men audandyq polisiia bölımderınıŋ basşylary qatysty. Audan äkımı öz baiandamasynda 9 aidaǧy atqarylǧan jūmystaryn, jetken jetıstıkterın aitty.
Audannyŋ barlyq mümkındıkterın baǧamdaǧan Mūrat Äitenov keibır salalar boiynşa bırmaşa eskertuler jasap, naqty tapsyrmalar jüktedı.
Mäselen, şalǧai eldı mekenderı bar Abai audany auyl şaruşylyǧyn damytuǧa qolaily ölke. Jalpy mūnda auyl şaruaşylyǧyna arnalǧan jer kölemı 26 myŋ gektardan asady. Tört tülık sany byltyrǧy jylǧa qaraǧanda 44 paiyzǧa ösken. Şaruaşylyqty damytuǧa 197 mln teŋge kölemınde subsidiia bölıngen. Osyny tılge tiek etken qala äkımı et jäne süt önımın öndıru azaiǧanyn aitty. Auyl şaruaşylyǧy önımderı qalany älı künge deiın tolyq qamtamasyz ete almai otyrǧanyn synady.
- Ärbır tūrǧyn alaptar men şaǧyn audannyŋ jeke potensialyn zerdelei otyra, barlyq eldı mekendı jūmyldyryp auyl şaruaşylyǧyn damytudyŋ naqty jüiesı jasalu kerek. Sonymen qatar, mal bordaqylau oryndaryna asa män berılsın. Sanitarlyq normalardyŋ qataŋ saqtaluy baqylauǧa alynsyn, - dedı Mūrat Äitenov.
Odan özge, audanda tūrǧyn üi salu qūrylysynyŋ bäseŋdegenın jetkızdı. Osy boiynşa audanǧa investorlar tartyp, olarǧa qolaily jaǧdai jasau jönınde audan äkımdıgı men tūrǧyn üi basqarmasynyŋ basşysyna tapsyrma berdı. Apatty jaǧdaidaǧy üilerge män berıp, köp qabatty üilerdıŋ qasbetterın retke keltıru kerektıgın aitty.
Şahar basşysy debitorlyq qaryzdar jönınde de eskertu jasady. «Qaryzdar jylu mausymy bastalmai tūryp öndırıluı kerek. Būl mäselenı şeşu üşın jaqyn arada ūsynys daiyndaŋyzdar» - dedı.
Qorytyndylai kele, Prezident tapsyrmasyna säikes halyqpen kerı bailanysty küşeitudı tapsyrdy. iKomek arqyly mäselege jedel den qoiylyp, qala tūrǧyndary atqarylǧan jūmysty köre aluy maŋyzdy ekenın aitty. Sondai-aq, retsız sauda oryndary, jabyq bazar men ondaǧy januarlar saudasyn tez arada retke keltırudı tapsyrdy. Mūrat Düisenbekūly - äkımdıkter zaŋsyzdyqqa qarsy äreketsız qalmauy kerek dep sözın tüiındedı.
Şymkent qalasy äkımınıŋ baspasöz qyzmetı
